സംഭവത്തില് പാലക്കാട് പുത്തൂര് സ്വദേശി ഷക്കീറിനെ (27) പോലീസ് വ്യാഴാഴ്ച പുലര്ച്ചെ രണ്ടു മണിയോടെ പിടികൂടിയെങ്കിലും വിഷവസ്തു കഴിച്ച് ഗുരുതരാവസ്ഥയിലായ ഇയാളെ ആസ്പത്രിയില് പ്രവേശിപ്പിച്ചിരിക്കുകയാണ്.
വളരെക്കാലം ഷക്കീര് ധന്യയോട് പ്രണയാഭ്യര്ത്ഥന നടത്തിയിരുന്നു. എന്നാല് അടുത്തിടെ മലയാളിയായ അധ്യാപകനുമായി ധന്യയുടെ വിവാഹനിശ്ചയം നടന്നു. ഇതാണ് പ്രതിയെ കൃത്യത്തിന് പ്രേരിപ്പിച്ചതെന്നാണ് പോലീസ് നിഗമനം.
ധന്യയുടെ വീട്ടില് മറ്റാരും ഇല്ലാത്ത സമയം നോക്കിയാണ് പ്രതി കൃത്യം നിര്വഹിച്ചത്. വിവാഹനിശ്ചയം നടന്ന ശേഷം പ്രതി ദിവസങ്ങളായി വീടിന്റെ പരിസരത്ത് മദ്യപിച്ച് നടന്നിരുന്നതായി പറയപ്പെടുന്നു.
പാലക്കാട് ഒലവക്കോട് പുതുപ്പെരിയാര് സ്വദേശിയായ സോമസുന്ദരവും കുടുംബവും 33 വര്ഷത്തോളമായി മേട്ടുപ്പാളയത്തായിരുന്നു താമസം. പൊംഗലൂരിലെ ഒരു ഐടി കമ്പനിയില് ജോലി നോക്കുകയായിരുന്നു ധന്യ.
കൊലപാതകത്തിന് ശേഷം പാലക്കാട്ടേക്ക് കടന്ന യുവാവ് പോലീസിനെ കണ്ട് ചാണകത്തിന് പകരം വളമായി ഉപയോഗിക്കുന്ന രാസവസ്തു (ചാണി പൗഡര്) കഴിക്കുകയായിരുന്നു. ഇയാള് ആസ്പത്രിയില് ഗുരുതരാവസ്ഥയില് തീവ്രപരിചരണ വിഭാഗത്തില് കഴിയുകയാണ്. കോയമ്പത്തൂരിലെ ബനിയന് കമ്പനിയിലും ചായക്കടയിലുമായി ജോലി ചെയ്ത് വരികയായിരുന്നു ഷക്കീര്.
ധന്യയുടെ മൃതദേഹം ഇപ്പോള് കോയമ്പത്തൂര് സര്ക്കാര് ആസ്പത്രി മോര്ച്ചറിയില് സൂക്ഷിച്ചിരിക്കുകയാണ്. പോസ്റ്റുമോര്ട്ടത്തിനു ശേഷം മൃതദേഹം ബന്ധുക്കള്ക്ക് വിട്ടുകൊടുക്കും.
Keywords: Kerala News, Kerala Vartha, Malabarflash, Malabar news, Malayalam News
No comments:
Post a Comment