മഞ്ചേശ്വരം: [www.malabarflash.com] ബസില് കടത്തുകയായിരുന്ന 15 ലിറ്റര് കര്ണ്ണാടക നിര്മ്മിത വിദേശമദ്യവുമായി അന്യസംസ്ഥാന തൊഴിലാളിയടക്കം രണ്ടുപേരെ എക്സൈസിന്റെ സ്പെഷ്യല് സ്ക്വാഡ് അറസ്റ്റു ചെയ്തു. ഉദുമ കോട്ടിക്കുളത്തെ ദേവന്(46), ഉത്തര്പ്രദേശ് സ്വദേശി രവിശങ്കര്(25) എന്നിവരാണ് അറസ്റ്റിലായത്.
കാസര്കോട് എക്സൈസ് സ്പെഷ്യല് സ്ക്വാഡ് ഇന്സ്പെക്ടര് വേലായുധന്റെ നേതൃത്വത്തില് ശനിയാഴ്ച കുഞ്ചത്തൂരില് വാഹന പരിശോധന നടത്തുന്നതിനിടയിലാണ് ഇരുവരും അറസ്റ്റിലായത്. ചാക്കില് കെട്ടി സീറ്റുകള്ക്കു കീഴില് വച്ച നിലയിലായിരുന്നു മദ്യം. തുടര്ച്ചയായ രണ്ടു ദിവസങ്ങളില് മദ്യഷാപ്പുകള്ക്കു അവധിയായതിനാല് മദ്യം കടത്താനും ശേഖരിച്ചു വയ്ക്കാനും സാധ്യത ഉണ്ടെന്നു എക്സൈസ് ഇന്റലിജന്സിനു നേരത്തെ വിവരം ലഭിച്ചിരുന്നു. ഇതിന്റെ ഭാഗമായാണ് കുഞ്ചത്തൂരില് വാഹനം തടഞ്ഞുള്ള പരിശോധന നടത്തിയത്.
എക്സൈസ് സംഘത്തില് മധുസൂദനന്, ശ്രീകാന്ത്, നാരായണന്, ഡ്രൈവര് ഗോപാലന് എന്നിവരും ഉണ്ടായിരുന്നു. ശനിയാഴ്ച കാസര്കോട് കറന്തക്കാട്ട് ഒഴിഞ്ഞ പറമ്പില് നടത്തിയ പരിശോധനയിലും മദ്യം പിടികൂടിയിരുന്നു.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment