നബാര്‍ഡ് ആര്‍ ഐ ഡി എഫ് സ്‌പെഷല്‍ പാക്കേജിലുള്‍പ്പെടുത്തി 1.45 കോടി രൂപ ചെലവിലാണ് കെട്ടിടം നിര്‍മ്മിച്ചതെന്ന് ജില്ലാ കളക്ടര്‍ കെ ജീവന്‍ബാബു പറഞ്ഞു. രാജ്യാന്തര നിലവാരത്തിലുളള പഠനസംവിധാനങ്ങളാണ് ഇവിടെ ഒരുക്കിയിട്ടുളളത്.
പരിപാടിയില്‍ പഠനപരിചരണ സംവിധാനങ്ങളുടെ വിതരണോദ്ഘാടനം റവന്യൂ വകുപ്പ് മന്ത്രി ഇ ചന്ദ്രശേഖരന്‍ നിര്‍വ്വഹിക്കും. ആരോഗ്യവകുപ്പ് മന്ത്രി കെ കെ ശൈലജ, പി കരുണാകരന്‍ എം പി, എം എല്‍ എ മാരായ പി ബി അബ്ദുള്‍ റസാക്ക്, എന്‍ എ നെല്ലിക്കുന്ന്, എം രാജഗോപാലന്‍, ജില്ലാ പഞ്ചായത്ത് പ്രസിഡണ്ട് എ ജി സി ബഷീര്‍, പുല്ലൂര്‍-പെരിയ പഞ്ചായത്ത് പ്രസിഡണ്ട് ശാരദ എസ് നായര്‍ എന്നിവര്‍ പരിപാടിയില്‍ സംബന്ധിക്കും.
ഭിന്നശേഷിയുളള കുട്ടികളുടെ സമഗ്ര പരിശീലനത്തിന് സെന്‍സറി റൂം, വിര്‍ച്ച്വല്‍ റീഹാബിലിറ്റേഷന്‍, സെന്‍സറി ഗാര്‍ഡന്‍ തുടങ്ങിയവ സജ്ജീകരിച്ചിട്ടുളള ഇന്ത്യയിലെ ആദ്യത്തെ ബഡ്‌സ് സ്‌കൂളാണ് പെരിയയിലേതെന്ന് കേരള സാമൂഹികസുരക്ഷാമിഷന്‍ എക്‌സി. ഡയറക്ടര്‍ ഡോ. മുഹമ്മദ് അഷീല്‍ പറഞ്ഞു.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment