കാസര്‍കോട്: ജനറല്‍ ആശുപത്രി കെട്ടിടത്തിനു തറക്കല്ലിടാന്‍ എത്തിയ മുഖ്യമന്ത്രി പിണറായി വിജയനു കരിങ്കൊടി കാണിക്കുകയും തടയാന്‍ ശ്രമിച്ച പോലീസുകാരെ തള്ളിയിട്ടു ഔദ്യോഗിക കൃത്യനിര്‍വ്വഹണം തടസപ്പെടുത്തുകയും ചെയ്തതിനു 20 യുവമോര്‍ച്ചാ പ്രവര്‍ത്തകര്‍ക്കെതിരെ പോലീസ് കേസെടുത്തു. ഇവരില്‍ യുവമോര്‍ച്ച സംസ്ഥാന വക്താവടക്കം ഒമ്പതു പേരെ അറസ്റ്റു ചെയ്തു. [www.malabarflash.com]
കണ്ണൂരില്‍ ആര്‍ എസ് എസ് പ്രവര്‍ത്തകന്‍ കൊല്ലപ്പെട്ടതില്‍ പ്രതിഷേധിച്ചാണ് യുവമോര്‍ച്ച പ്രവര്‍ത്തകര്‍ കരിങ്കൊടി കാട്ടാന്‍ ശ്രമിച്ചത്. ഇതു തടയാന്‍ ശ്രമിച്ച എസ് ഐ അജിത് കുമാര്‍ അടക്കമുള്ളവര്‍ വീണിരുന്നു. ജില്ലയിലെ വിവിധ പരിപാടികളില്‍ പങ്കെടുക്കാനെത്തിയ മുഖ്യമന്ത്രി തിരുവനന്തപുരത്തേക്ക് തിരിച്ചു പോകാനായി മംഗളൂരു റെയില്‍വെ സ്‌റ്റേഷനില്‍ എത്തിയപ്പോഴും യുവമോര്‍ച്ച പ്രവര്‍ത്തകര്‍ കരിങ്കൊടി കാട്ടിയിരുന്നു.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment