പ്രകടനം നടക്കുമ്പോള്‍ സംഘപരിപാറിന് പോലീസ് അകമ്പടി സേവിക്കുകയുമാണ് ചെയ്തത്. ഇത് പ്രതിഷേധാര്‍ഹമാണെന്നും ഇബ്രാഹിം ഫൈസി ജെഡിയാര്‍ കുറ്റപ്പെടുത്തി. മാസങ്ങള്‍ക്ക് മുമ്പ് ചൂരിയിലെ മദ്രസാധ്യാപകന്‍ റിയാസ് മൗലവിയെ കഴുത്തറുത്ത് കൊലപ്പെടുത്തിയ സംഭവം നടന്നപ്പോള്‍ അധ്യാപക സംഘടനയായ ജംഇയ്യത്തുല്‍ മുഅല്ലിമിന്റെ നേതൃത്വത്തില്‍ സമാധാനപരമായി നഗരത്തില്‍ പ്രകടനം നടത്താന്‍ വന്ന മുഅല്ലിമുകളെ ലാത്തിവീശുകയും അവരുടെ ബൈക്കുകള്‍ അടിച്ച് തകര്‍ക്കുകയുമാണ് പോലീസ് ചെയ്തത്.
ചിലരുടെ സ്വാതന്ത്രം തടയുകയും ചിലര്‍ക്ക് അകമ്പടി സേവിക്കുകയും ചെയ്യുന്ന പോലീസ് നയം അംഗീകരിക്കാന്‍ കഴിയില്ല. നിരവധി കേസുകളിലെ പ്രതികള്‍ക്ക് വേണ്ടി ഒത്താശ ചെയ്തു കൊടുക്കുന്നത് അവര്‍ക്ക് ആത്മവീര്യം പകരാനേ ഉപകരിക്കുകയുള്ളൂവെന്നുമ നിയമവും നിയമപാലകരും ഇരകള്‍ക്കൊപ്പം നില്‍ക്കണമെന്നും ജെഡിയാര്‍ അഭിപ്രായപ്പെട്ടു.
Keywords: Kasaragod News, Kerala Vartha, Malabarflash, Malabar news, Malayalam News
No comments:
Post a Comment