മാര്‍ബിള്‍ ദേഹത്ത് വീണ് യുവാവ് മരിച്ചു

പടന്ന: മാര്‍ബിള്‍ ലോറിയില്‍ നിന്ന് ഇറക്കുന്നതിനിടയില്‍ ദേഹത്ത് വീണ് യുവാവ് മരിച്ചു. പടന്ന കടപ്പുറം ഒരിയര സ്വദേശി റഹീസാണ് (28) മരിച്ചത്. മാവിലാകടപ്പുറം പാലത്തിന് സമീപം ശനിയാഴ്ച ഉച്ചയോടെയാണ് അപകടം. വീടിന് സമീപം മാര്‍ബിള്‍ ഇറക്കുന്നതിനിടയില്‍ ദേഹത്ത് വീഴുകയായിരുന്നു.[www.malabarflash.com]

ഉടന്‍ തന്നെ കൂടെയുണ്ടായിരുന്നവര്‍ തൊട്ടടുത്ത ആശുപത്രിയില്‍ കൊണ്ടുപോയി. നില ഗുരുതരമായതിനാല്‍ പരിയാരം മെഡിക്കല്‍ കോളജ് ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല. 

കെ സി അബ്ദുര്‍ റഹ് മാന്‍ - ബീഫാത്വിമ ദമ്പതികളുടെ മകനാണ്. ഭാര്യ: ഫാത്വിമത്ത് ഷെറിന്‍ (മലപ്പുറം). സഹോദരന്‍: റൗഹൂഫ് (ദുബൈ).