പെര്ള കണ്ണാടിക്കാനയില് താമസിക്കുന്ന 29 കാരിയുടെ പരാതിയില് കണ്ണാടിക്കാനയിലെ നൗഷാദ്, എബി തുടങ്ങിയ മൂന്നുപേര്ക്കെതിരെയാണ് കേസ്.
22ന് രാത്രി 11.45നാണ് സംഭവമെന്ന് പരാതിയില് പറയുന്നു. വീട്ടില് കോളിങ് ബെല്ലടിച്ചപ്പോള് പരിചയമുള്ള ശബ്ദം കേട്ടാണ് ഭര്തൃമതി വാതില് തുറന്നത്. അതിനിടെ വീട്ടിനകത്ത് കയറിയ സംഘം ഫോട്ടോ മൊബൈല് ഫോണില് പകര്ത്തുകയും ഭര്തൃമതിയേയും എട്ടും രണ്ടരയും വയസുള്ള മക്കളേയും മര്ദ്ദിക്കുകയും ചെയ്തതായി പരാതിയില് പറയുന്നു.
അതിനിടെ ഫോട്ടോ സോഷ്യല് മീഡിയകളില് പ്രചരിപ്പിക്കുമെന്നും രണ്ട് ലക്ഷം രൂപ നല്കണമെന്നും സംഘം പറഞ്ഞുവത്രെ. ഇതേ തുടര്ന്ന് ഭര്തൃമതി 5000 രൂപ നല്കി. സംഘം പിന്നീടും ഭീഷണിപ്പെടുത്തുകയായിരുന്നു. തുടര്ന്നാണ് പോലീസില് പരാതി നല്കിയത്. പോലീസ് അന്വേഷിച്ചുവരുന്നു.
No comments:
Post a Comment