അപൂർവ വൈറസ്​ പനി: മണിപ്പാലിൽ നിന്നുള്ള വിദഗ്​ധ സംഘം സ്​ഥലം പരിശോധിക്കുന്നു

കോഴിക്കോട്​: പ​ന്തീ​രി​ക്ക​ര സൂ​പ്പി​ക്ക​ട​യി​ൽ അപൂർവ വൈ​റ​ൽ പ​നി ബാ​ധി​ച്ച് മൂന്ന്​ ​പേർ മരിച്ച സംഭവത്തിൽ മണിപ്പാൽ ഇൻസ്​റ്റിറ്റ്യൂട്ട്​ ഒാഫ്​ വൈറസ്​ സ്​റ്റഡീസിൽ നിന്നുള്ള വിദഗ്​ധ സംഘം പരിശോധന നടത്തുന്നു.[www.malabarflash.com]

ഏത്​ വൈറസാണ്​ ബാധിച്ചതെന്ന്​ ഇനിയും വ്യക്​തമായിട്ടില്ല എന്ന്​ വിദഗധ സംഘം അറിയിച്ചു. സ്​ഥലത്തു നിന്ന്​ ശേഖരിച്ച സാമ്പിളുകൾ പുനെ വൈറോളജി ഇൻസ്​റ്റിറ്റ്യൂട്ടിൽ പരിശോധനക്ക്​ അയക്കുമെന്ന്​ സംഘം അറിയിച്ചു.

ആശങ്ക വേണ്ട ഒരു അവസ്​ഥയും നിലവിൽ പ്രദേശത്തില്ലെന്ന്​ മെഡിക്കൽ സംഘത്തിന്റെ തലവൻ ഡോ. അരുൺ കുമാർ പറഞ്ഞു. ആരോഗ്യമന്ത്രി കെ.​കെ ശൈലജ ഞായറാഴ്ച​ സ്​ഥലം സന്ദർശിക്കും. 30 ഒാളം കുടുംബങ്ങൾ പ്രദേശത്തു നിന്ന്​ മാറിത്താമസിച്ചിട്ടുണ്ട്​.

വ​ള​ച്ചു​കെ​ട്ടി​യി​ൽ മൂ​സ​യു​ടെ മ​ക്ക​ളാ​യ സാ​ബി​ത്ത് (23), സ്വാ​ലി​ഹ് (26), ഇവരുടെ പി​തൃ​സ​ഹോ​ദ​രനായ​ വ​ള​ച്ചു​കെ​ട്ടി​യി​ൽ മൊ​യ്തീ​ൻ ഹാ​ജി​യു​ടെ ഭാ​ര്യ ക​ണ്ടോ​ത്ത് മ​റി​യം(51) എന്നിവരാണ്​ ര​ണ്ടാ​ഴ്​​ച​ക്കി​ടെ മരിച്ചത്​. മൂ​സ​യും സ്വാ​ലി​ഹി​ന്റെ ഭാ​ര്യ ആ​ത്തി​ഫ​യും ഇ​തേ രോ​ഗം ബാ​ധി​ച്ച്​ ചി​കി​ത്സ​യി​ലാ​ണ്. മൂ​സ ബേ​ബി മെ​മ്മോ​റി​യ​ൽ ആ​ശു​പ​ത്രി​യി​ൽ അ​തി​ഗു​രു​ത​രാ​വ​സ്ഥ​യി​ലാ​ണ്. ആ​ത്തി​ഫ​യെ ശ​നി​യാ​ഴ്​​ച പു​ല​ർ​ച്ച എ​റ​ണാ​കു​ളം അ​മൃ​ത ആ​ശു​പ​ത്രി​യി​ലേ​ക്ക് മാ​റ്റി. 

അ​തി​നി​ടെ, മ​രി​ച്ച​വ​രു​ടെ ബ​ന്ധു​വും അ​യ​ൽ​വാ​സി​യു​മാ​യ നൗ​ഷാ​ദ്, സാ​ബി​ത്തി​നെ പ​രി​ച​രി​ച്ച പേ​രാ​മ്പ്ര താ​ലൂ​ക്കാ​ശു​പ​ത്രി​യി​ലെ ന​ഴ്സ് ജ​നി എ​ന്നി​വ​രെ പ​നി​യെ തു​ട​ർ​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചിട്ടുണ്ട്​.

സം​സ്ഥാ​ന​ത്ത് ആ​ദ്യ​മാ​യാ​ണ് ഇ​ത്ത​രം രോ​ഗം ശ്ര​ദ്ധ​യി​ൽ​പ്പെ​ട്ട​തെ​ന്ന് ആ​രോ​ഗ്യ വ​കു​പ്പ് ഡ​യ​റ​ക്ട​ർ ആ​ർ.​എ​ൽ. സ​രി​ത പ​റ​ഞ്ഞു. മ​ന്ത്രി ടി.​പി. രാ​മ​കൃ​ഷ്ണ​​െൻറ നേ​തൃ​ത്വ​ത്തി​ൽ ക​ടി​യ​ങ്ങാ​ട് അ​വ​ലോ​ക​ന യോ​ഗം ന​ട​ത്തി. 

ശ​നി​യാ​ഴ്ച മെ​ഡി​ക്ക​ൽ ക്യാ​മ്പ് ന​ട​ത്തി 107 പേ​രു​ടെ ര​ക്ത​സാ​മ്പി​ൾ ശേ​ഖ​രി​ച്ച് പ​രി​ശോ​ധ​ന​ക്ക​യ​ച്ചി​ട്ടു​ണ്ട്. ഞാ​യ​റാ​ഴ്​​ച​യും സൂ​പ്പി​ക്ക​ട​യി​ൽ മെ​ഡി​ക്ക​ൽ ക്യാ​മ്പ്​ ന​ട​ത്തു​ന്നു​ണ്ട്.