കോസ്റ്ററിക്കൻ കോട്ട തകർത്ത് ബ്രസീൽ

സെ​ന്‍റ് പീ​റ്റേ​ഴ്സ്ബ​ർ​ഗ്: നി​ശ്ചി​ത സ​മ​യം​വ​രെ​യും അ​ന​ങ്ങാ​തെ പ​ത​റാ​തെ കോ​ട്ട​കാ​ത്ത കെ​ലി​യ​ർ ന​വാ​സി​നെ​യും കോ​സ്റ്റാ​റി​ക്ക പ്ര​തി​രോ​ധ​ത്തെ​യും ഇ​ഞ്ചു​റി ടൈ​മി​ൽ‌ ക​നാ​റി​ക​ൾ പി​ള​ർ​ത്തി. ഫൈ​ന​ൽ വി​സി​ലി​ന് മി​നി​റ്റു​ക​ൾ മാ​ത്രം ബാ​ക്കി​നി​ൽ​ക്കെ കു​ട്ടീ​ഞ്ഞോ​യും നെ​യ്മ​റും ബ്ര​സീ​ലി​നാ​യി നി​റ​യൊ​ഴി​ച്ചു.[www.malabarflash.com]

ര​ണ്ടു ഗോ​ളു​ക​ൾ​ക്കും എ​തി​രി​ല്ലാ​തെ കോ​സ്റ്റ​റി​ക്ക തോ​ൽ​വി സ​മ്മ​തി​ച്ചു. ഇ​താ ഈ ​ലോ​ക​പ്പി​ലെ ആ​ദ്യ ജ​യ​വു​മാ​യി കാ​ന​റി​ക​ൾ ചി​റ​ക​ടി​ച്ച് പ​റ​ന്ന് തു​ട​ങ്ങി​യി​രി​ക്കു​ന്നു. അ​ധി​ക സ​മ​യ​ത്തി​ന്‍റെ ഒ​ന്നാം മി​നി​റ്റി​ൽ‌ കു​ടീ​ഞ്ഞോ​യി​ലൂ​ടെ​യും ഏ​ഴാം മി​നി​റ്റി​ൽ സൂ​പ്പ​ർ താ​രം നെ​യ്മ​റി​ലൂ​ടെ​യു​മാ​ണ് ബ്ര​സീ​ൽ ജ​യം സ്വ​ന്ത​മാ​ക്കി​യ​ത്.

നി​ർ​ണാ​യ​ക മ​ത്സ​ര​ത്തി​ന്‍റെ നി​ശ്ചി​ത സ​മ​യം ക​ട​ന്നു​പോ​കു​മ്പോ​ഴും സ​മ​നി​ല​യി​ൽ നി​ല​തെ​റ്റു​മോ​യെ​ന്ന ഭീ​തി​യി​ലാ​യി​രു​ന്നു ബ്ര​സീ​ൽ. ക​ളി ഒ​ന്ന​ര​മ​ണി​ക്കൂ​ർ ക​ട​ക്കു​മ്പോ​ഴും ഗോ​ൾ ഒ​ഴി​ഞ്ഞു​നി​ൽ​ക്കു​ന്നു. റ​ഫ​റി ബ്ര​സീ​ലി​നു ഒ​ന്നു​ശ്ര​മി​ക്കാ​നെ​ന്ന​പോ​ലെ ആ​റു മി​നി​റ്റ് അ​ധി​ക സ​മ​യം അ​നു​വ​ദി​ക്കു​ന്നു. വി​ങ്ങി​ലൂ​ടെ മാ​റി​മാ​റി കോ​സ്റ്റ​റി​ക്ക പ്ര​തി​രോ​ധ​ത്തെ ബ്ര​സീ​ൽ ഒ​ന്ന​ട​ങ്കം പ​രീ​ക്ഷി​ച്ചു തു​ട​ങ്ങി.

നെ​യ്മ​ർ വ​ല​തു​പാ​ർ​ശ്വ​ത്തി​ലേ​ക്ക് റോ​ബ​ർ​ട്ടോ ഫി​ർ​മി​നോ​യ്ക്കു പ​ന്ത​യ​ക്കു​ന്നു. ഫി​ർ​മി​നോ ബോ​ക്സി​ന്‍റെ വ​ല​തു​മൂ​ല​യി​ൽ​നി​ന്ന് ഉ​യ​ർ​ത്തി ഗ​ബ്രി​യേ​ൽ ജീ​സ​സി​നു മ​റി​ച്ചു​ന​ൽ​കു​ന്നു. പ്ര​തി​രോ​ധ​പൂ​ട്ടി​ല​ക​പ്പെ​ട്ട ജീ​സ​സ് പ​ന്ത് നെ​ഞ്ചി​ലെ​ടു​ത്ത് മു​ന്നോ​ട്ടു ത​ള്ളി. ബോ​ക്സി​ലേ​ക്ക് ഓ​ടി​ക്ക​യ​റി​യ കു​ടീ​ഞ്ഞോ പ​ന്തി​നെ ന​വാ​സി​ന്‍റെ ഇ​രു​കാ​ലു​ക​ൾ​ക്കും ഇ​ട​യി​ലൂ​ടെ ഗോ​ളി​ലേ​ക്ക് പ​റ​ഞ്ഞു​വി​ട്ടു. സ്റ്റേ​ഡി​യം നി​ശ​ബ്ദ​മാ​യ നി​മി​ഷം. തൊ​ട്ട​ടു​ത്ത നേ​രം ആ​വേ​ശ സ്ഫോ​ട​നം. ബ്ര​സീ​ലി​ന്‍റെ മ​ഞ്ഞ​ക്ക​ട​ൽ‌ ഗാ​ല​റി​യി​ൽ ഇ​ര​മ്പി​ത്തു​ള്ളി​യാ​ർ​ത്തു.

ക​ളി​പാ​ളി​യെ​ന്നു മ​ന​സി​ലാ​ക്കി​യ കോ​സ്റ്റ​റ​ക്ക​യും ജ​യം ഉ​റ​പ്പി​ച്ച ബ്ര​സീ​ലും ഫൈ​ന​ൽ വി​സി​ലി​നാ​യി ക​ളി​വേ​ഗം കു​റ​ച്ചു. എ​ന്നാ​ൽ നെ​യ്മ​റെ​ക്കൊ​ണ്ട് ഗോ​ള​ടി​പ്പി​ക്ക​ണ​മെ​ന്ന് ആ​രാ​ണ് തീ​രു​മാ​ന​മെ​ടു​ത്ത​ത്. ‌അ​ധി​ക​സ​മ​യ​മാ​യി അ​നു​വ​ദി​ക്ക​പ്പെ​ട്ട ആ​റു മി​നി​റ്റു ക​ഴി​ഞ്ഞി​ട്ടും റ​ഫ​റി വി​സി​ൽ ചു​ണ്ടോ​ടു​പ്പി​ച്ചി​ല്ല. അ​വ​സാ​ന നിമി​ഷ​ത്തെ ക​ളി​യാ​യി​ക്ക​ണ്ട കോ​സ്റ്റ​റി​ക്ക​യെ ബ്ര​സീ​ൽ വീ​ണ്ടും ഞെ​ട്ടി​ച്ചു. ഡ​ഗ്ല​സ് കോ​സ്റ്റ മ​ധ്യ​വ​ര​യി​ൽ​നി​ന്നും ബോ​ക്സി​ലേ​ക്ക് ഓ​ടു​ന്ന​തു​ക​ണ്ടി​ട്ടും കോ​സ്റ്റ​റി​ക്ക അ​പ​ക​ടം മ​ണ​ത്തി​ല്ല. ബോ​ക്സി​നു​ള്ളി​ൽ ക​യ​റി​യ ഡ​ഗ്ല​സ് കോ​സ്റ്റ, കോ​സ്റ്റ​റി​ക്ക പ്ര​തി​രോ​ധ​ത്തെ പൊ​ളി​ച്ച് കൂ​ടെ​യോ​ടി​യ നെ​യ്മ​ർ​ക്ക് പ​ന്ത് മ​റി​ച്ചു. ന​വാ​സ് ഒ​രു വി​ഫ​ലം ശ്ര​മം ന​ട​ത്തി​യെ​ങ്കി​ലും പ​ന്ത് നെ​യ്മ​റു​ടെ കാ​ലി​ൽ. നെ​യ്മ​റു​ടെ ക്ലോ​സ് റേ​ഞ്ച് വോ​ളി കോ​സ്റ്റ​റി​ക്ക വ​ല​യി​ൽ.

ജ‍​യ​ത്തോ​ടെ ബ്ര​സീ​ൽ നി​ർ​ണാ​യ​ക​മാ​യ മൂ​ന്നു പോ​യി​ന്‍റു​ക​ളാ​ണ് സ്വ​ന്ത​മാ​ക്കി​യ​ത്. ആ​ദ്യ മ​ത്സ​ര​ത്തി​ൽ സ്വി​റ്റ്സ​ർ​ല​ൻ​ഡി​നോ​ട് ബ്ര​സീ​ൽ സ​മ​നി​ല വ​ഴ​ങ്ങി​യി​രു​ന്നു. ര​ണ്ടു തോ​ൽ​വി​യു​മാ​യി കോ​സ്റ്റ​റി​ക്ക​യു​ടെ നോ​ക്കൗ​ട്ട് പ്ര​തീ​ക്ഷ​ക​ൾ അ​സ്ത​മി​ച്ചി​രി​ക്കു​ക​യാ​ണ്.