ഒളിമ്പിക്​സിന്​ മുന്നോടിയായി സഞ്ചരിക്കുന്ന പള്ളിയുമായി ജപ്പാൻ

ടോക്കിയോ: 2020 ഒളിമ്പിക്​സിന്​ മുന്നോടിയായി അടിസ്ഥാന സൗകര്യങ്ങൾ ഒരുക്കുന്ന തിരക്കിലാണ്​ ജപ്പാൻ. ഇതിന്റെ ഭാഗമായി സഞ്ചരിക്കുന്ന മുസ്​ലിം പള്ളി നിർമിച്ചാണ്​ ജപ്പാൻ ഇപ്പോൾ വാർത്തകളിൽ നിറയുന്നത്​.[www.malabarflash.com]

വെള്ളയും നീലയും നിറമുള്ള ട്രക്കിനെയാണ്​ ഒരു ​പള്ളിയായി ജപ്പാൻ മാറ്റിയിരിക്കുന്നത്​. ഒളിമ്പിക്​സിന്​ എത്തുന്നവർക്ക്​ പ്രാർഥനക്ക്​ തടസമുണ്ടാകാതിരിനാണ്​ സഞ്ചരിക്കുന്ന പള്ളിയെന്ന ആശയവുമായി ജപ്പാൻ രംഗത്തെത്തുന്നത്​.

ഒരേ സമയം അമ്പത്​ വിശ്വാസികളെ ഉൾക്കൊള്ളാൻ കഴിയുന്ന​ സഞ്ചരിക്കുന്ന പള്ളികളായിരിക്കും ജപ്പാൻ ഒരുക്കുക. യാഷു പ്രൊജക്​ട്​ എന്ന കമ്പനിയാണ്​ സഞ്ചരിക്കുന്ന മുസ്​ലിം പള്ളികൾക്ക്​ പിന്നിൽ. ഒളിമ്പിക്​സിന്റെ ഭാഗമായി ജപ്പാനിലെത്തുന്ന വിശ്വാസികൾക്ക്​ ഒരു തരത്തിലുമുള്ള ബുദ്ധിമുട്ടുകൾ ഇല്ലാതാക്കാൻ സഞ്ചരിക്കുന്ന പള്ളി സഹായിക്കുമെന്ന്​ കമ്പനി സി.ഇ.ഒ യാസുഹ്​റു ഇനോൺ പറഞ്ഞു.

പദ്ധതിയുടെ ഭാഗമായുള്ള ആദ്യ മുസ്​ലിം പള്ളി ടോ​ക്കിയോവിലെ സ്​റ്റേഡിയത്തിന്​ പുറത്ത്​ ഉദ്​ഘാടനം ചെയ്​തു. ഒളിമ്പിക്​സിന്​ മുന്നോടിയായി കൂടുതൽ മുസ്​ലിം പള്ളികൾ നിർമിക്കാനുള്ള ഒരുക്കത്തിലാണ്​ കമ്പനി.