ക​രാ​റു​കാ​ര​നെ ​ത​ട്ടി​ക്കൊ​ണ്ടു പോ​യി 19,000 രൂ​പ ത​ട്ടി​യെ​ടു​ത്ത​താ​യി പ​രാ​തി

കാസര്‍കോട്: ക​രാ​റു​കാ​ര​നെ ബൈ​ക്കി​ലും കാ​റി​ലു​മെ​ത്തി​യ സം​ഘം ത​ട്ടി​ക്കൊ​ണ്ടു പോ​യി 19,000 രൂ​പ ത​ട്ടി​യെ​ടു​ത്ത​താ​യി പ​രാ​തി. പാ​ല​ക്കു​ന്ന് സ്വ​ദേ​ശി​യാ​യ യു​നൂ​സ്(35)​യാ​ണ് അ​ക്ര​മ​ത്തി​നി​ര​യാ​യ​ത്. സം​ഭ​വ​ത്തി​ൽ ആ​ദൂ​ർ പോ​ലീ​സ് കെ​സെടു​ത്ത് അ​ന്വേ​ഷ​ണം ആ​രം​ഭി​ച്ചു.[www.malabarflash.com]

ക​ഴി​ഞ്ഞ ദി​വ​സം ഏ​ഴോ​ടെ ബോ​വി​ക്കാ​ന​ത്തു വ​ച്ചാ​ണ് സം​ഭ​വം ഉ​ണ്ടാ​യ​തെ​ന്നാ​ണ് പ​രാ​തി​യി​ൽ പ​റ​യു​ന്ന​ത്.

സം​ഭ​വ​ത്തെ​ക്കു​റി​ച്ച് യു​നൂ​സ് പ​റ​യു​ന്ന​തി​ങ്ങ​നെ; എ​റ​ണാ​കു​ള​ത്ത് ജ്യൂ​സ് ക​ട ന​ട​ത്തി​വ​രു​ന്ന സു​ഹൃ​ത്താ​യ ആ​ലൂ​രി​ലെ ജാ​സി​ർ വീ​ട്ടി​ലേ​ക്ക് അ​ത്യാ​വ​ശ്യ​മാ​യി ഒ​രു ല​ക്ഷം രൂ​പ എ​ത്തി​ക്കു​മോ​യെ​ന്നു ചോ​ദി​ച്ചു. ഇ​ത​നു​സ​രി​ച്ചു 19,000 രൂ​പ​യു​മാ​യി വീ​ട്ടി​ൽ നി​ന്നും ബൈ​ക്കി​ൽ പു​റ​പ്പെ​ട്ടു ബോ​വി​ക്കാ​ന​ത്തെ​ത്തി​യ​പ്പോ​ൾ എ​ടി​എ​മ്മി​ൽ ക​യ​റി പു​റ​ത്തി​റ​ങ്ങി​യ​തോ​ടെ കാ​റി​ലും സ്കൂ​ട്ട​റി​ലു​മെ​ത്തി​യ സം​ഘം ബ​ല​മാ​യി പി​ടി​കൂ​ടി കാ​റി​ൽ ക​യ​റ്റി​ക്കൊ​ണ്ടു പോ​യി കാസര്‍കോട് എ​ത്താ​റാ​യ​പ്പോ​ൾ 19,000 രൂ​പ കൈ​ക്ക​ലാ​ക്കി​യ ശേ​ഷം പു​തി​യ ബ​സ് ബസ്സ്റ്റാന്റ്‌ പ​രി​സ​ര​ത്തി​റ​ക്കി സം​ഘം ര​ക്ഷ​പെ​ടു​ക​യാ​യി​രു​ന്നു.

തു​ട​ർ​ന്ന് പോ​ലീ​സ് എ​യ്ഡ് പോ​സ്റ്റി​ലെ​ത്തി വി​വ​രം പ​റ​ഞ്ഞു. പോ​ലീ​സ് ത​ന്നെ ടൗ​ണ്‍ സ്റ്റേ​ഷ​നി​ലെ​ത്തി​ച്ച​താ​യും ആ​ദൂ​ർ​പോ​ലീ​സ് സ്റ്റേ​ഷ​ൻ പ​രി​ധി​യി​ൽ ന​ട​ന്ന സം​ഭ​വ​മാ​യ​തി​നാ​ൽ അ​വി​ടെ പ​രാ​തി ന​ൽ​കാ​ൻ നി​ർ​ദേ​ശി​ക്കു​ക​യാ​യി​രു​ന്നു.

കാ​റി​ലു​ണ്ടാ​യി​രു​ന്ന അ​ക്ര​മി സം​ഘ​ത്തി​ൽ​പ്പെട്ട നാ​രം​പാ​ടി​യി​ലെ സ​ഫ്വാ​ൻ, ഗ​ഫൂർ, നൗ​ഷാ​ദ്, ജ​ക്കു എ​ന്നി​വ​രെ അ​റി​യാ​മെ​ന്നും സ്കൂ​ട്ട​റി​ലെ​ത്തി​യ​വ​രെ അ​റി​യി​ല്ലെ​ന്നും യു​നൂ​സ് പ​റ​ഞ്ഞു. സം​ഭ​വ​ത്തെ​ക്കു​റി​ച്ച് അ​ന്വേ​ഷ​ണം ഉൗ​ർ​ജി​ത​മാ​ക്കി.