കന്യാന മര്‍ത്തടിയിലെ ദിനേശ് (29), കന്യാനയിലെ ചന്ദ്രഹാസ (24) എന്നിവരാണ് ചൊവ്വാഴ്ച വൈകിട്ട് കീഴടങ്ങിയത്. കേസില്‍ പ്രതികളായതിനെ തുടര്‍ന്ന് ഇരുവരും ഹൈക്കോടതിയില്‍ മുന്‍കൂര്‍ ജാമ്യ ഹരജി നല്‍കിയിരുന്നു.
ജാമ്യാപേക്ഷ തള്ളിയ ഹൈക്കോടതി പ്രതികളോട് പോലീസില്‍ കീഴടങ്ങാന്‍ നിര്‍ദ്ദേശം നല്‍കുകയാണുണ്ടായത്. ശബരി മല കര്‍മ്മ സമിതി നടത്തിയ ഹര്‍ത്താല്‍ ദിനത്തിലാണ് മൂസക്കുഞ്ഞി എന്ന അബ്ദുല്‍ കരിം മുസ്‌ലിയാര്‍ അക്രമത്തിനിരയായത്.
മോട്ടോര്‍ സൈക്കിള്‍ ഓടിച്ചു വരികയായിരുന്ന കരിം മുസ്ലിയാരെ മുളിഗദെയില്‍ വെച്ച് ഇരുപതിലേറെ വരുന്ന സംഘം തടഞ്ഞു നിര്‍ത്തുകയും മാരകായുധം കൊണ്ട് തലക്കടിച്ച് പരിക്കേല്‍പ്പിക്കുകയുമായിരുന്നു. ഗുരുതരമായി പരിക്കേറ്റ മുസ്‌ലിയാര്‍ ആസ്പത്രിയില്‍ ഇപ്പോഴും ചികിത്സയിലാണ്. ഇനി അഞ്ചു പ്രതികളെ കിട്ടാനുണ്ട്.
No comments:
Post a Comment