പിതൃമോക്ഷത്തിനായി പുണ്യദിനത്തില്‍ തൃക്കണ്ണാട് ആയിരങ്ങള്‍ ബലിതര്‍പ്പണം നടത്തി

ഉദുമ: ദക്ഷിണായനത്തില്‍ പിതൃക്കള്‍ ഉണര്‍ന്നിരിക്കുന്ന ഈ പുണ്യദിനത്തില്‍ ദക്ഷിണ കാശി എന്നറിയപ്പെടുന്ന തൃക്കണ്ണാട് ത്രയംബകേശ്വര ക്ഷേത്രത്തില്‍ ഭക്തജനങ്ങള്‍ പൂര്‍വ്വികരുടെ ഓര്‍മ്മകള്‍ക്കു ശ്രാദ്ധമൂട്ടി. പുലര്‍ച്ചെ നാലുമണി മുതല്‍ തന്നെ നീണ്ട നിരയാണ് അനുഭവപ്പെട്ടത്.[www.malabarflash.com]

ക്ഷേത്രം മേല്‍ശാന്തി നവീന്‍ചന്ദ്ര കായര്‍ത്തായയുടെ നേതൃത്വത്തില്‍ വിശേഷാല്‍ തിലഹവനാദി ക്രിയകളോടെ ചടങ്ങുകള്‍ ആരംഭിച്ചു.

ക്ഷേത്രക്കുളത്തില്‍ തീര്‍ഥസ്‌നാനം നടത്തി താംബൂലവും ദക്ഷിണയും നല്‍കി മേല്‍ശാന്തിയില്‍നിന്ന് അരിയും പൂവും സ്വീകരിച്ചശേഷമാണ് പിതൃതര്‍പ്പണം.