ജമ്മു കശ്മീരും ലഡാക്കുമായി വിഭജിക്കുകയും ഇന്ത്യയില്‍ പൂര്‍ണമായും ലയിപ്പിക്കുകയും ചെയ്ത നടപടിയെ ഞാന്‍ പിന്തുണക്കുന്നു. ഭരണഘടനാ പരമായ നടപടിക്രമങ്ങള്‍ പാലിച്ചിരുന്നെങ്കില്‍ നന്നായിരുന്നു. അങ്ങനെയായിരുന്നെങ്കില്‍ അതിനെതിരെ ചോദ്യങ്ങള്‍ ഉയരുമായിരുന്നില്ല. എന്നിരുന്നാലും ഇത് രാജ്യത്തിന്റെ താത്പര്യമാണ്, ഞാന്‍ ഇതിനെ പിന്തുണക്കുന്നു- അദ്ദേഹം ട്വിറ്ററില്‍ കുറിച്ചു.
ജമ്മു കശ്മീരിന് പ്രത്യേക പദവി നല്‍കുന്ന ഭരണഘടനയിലെ 370ാം വകുപ്പ് എടുത്തു റദ്ദാക്കിയതിനും സംസ്ഥാനത്തെ രണ്ടാക്കി പകുത്തതിനും എതിരെ ശക്തമായ പ്രതിഷേധവുമായി കോണ്‍ഗ്രസ് രംഗത്തുള്ളപ്പോഴാണ് മുന്‍ എഐസിസി ജനറല്‍ സെക്രട്ടറി കൂടിയായ ജ്യോതിരാദിത്യ സിന്ധ്യ ഈ നടപടിയെ അനുകൂലിക്കുന്നത്.
ഗാന്ധികുടുംബവുമായി കൂടുതല്‍ അടുപ്പം പുലര്‍ത്തിയ കോണ്‍ഗ്രസ് നേതാവ് മാധവറാവു സിന്ധ്യയുടെ മകനാണ് ജ്യോതിരാദിത്യ.
No comments:
Post a Comment