Latest News

നോട്ട്​ നിരോധനത്തിന്​ ശേഷം സ്വർണ്ണത്തിൽ കൈവെക്കാൻ മോദി

മുംബൈ: നോട്ട്​ നിരോധനത്തിന്​ പിന്നാലെ സമാനമായ വലിയ പ്രഖ്യാപനത്തിനൊരുങ്ങി പ്രധാനമന്ത്രി നരേന്ദ്രമോദി. കള്ളപണം ഉപയോഗിച്ച്​ വാങ്ങിയ സ്വർണ്ണത്തിന്​ നികുതിയിടാക്കാനുള്ള നീക്കങ്ങളാണ്​ നടക്കുന്നത്​. [www.malabarflash.com]

ഇതോടൊപ്പം കൈവശം വെക്കാവുന്ന സ്വർണ്ണത്തിന്​ പരിധി നിശ്​ചയിക്കുമെന്നും റിപ്പോർട്ടുകളുണ്ട്​. പാര്‍ലമെന്റിന്റെ വർഷകാല സമ്മേളനത്തിൽ ഇതുമായി ബന്ധപ്പെട്ട നിയമം പാസാക്കുമെന്നാണ്​ വാർത്തകൾ.

രേഖകളില്ലാതെ വാങ്ങിയ സ്വർണ്ണത്തിന്​ 30 ശതമാനം നികുതിയും 3 ശതമാനം വിദ്യാഭ്യാസ സെസും ചേർത്ത്​ 33 ശതമാനം സർക്കാറിന്​ നൽകേണ്ടി വരും. പുതിയ പദ്ധതി പ്രകാരം കൈവശം വെക്കാവുന്ന സ്വർണ്ണത്തിന്റെ പരിധി സർക്കാർ നിശ്​ചയിക്കും. അതിന്​ മുകളിൽ കണക്കിൽപ്പെടാത്ത സ്വർണ്ണം കൈവശം വെക്കുന്നവർ നികുതി ഒടുക്കേണ്ടി വരും.

വിവാഹിതരായ സ്​ത്രീകളുടെ നിശ്​ചിത തുകക്ക്​ താഴെയുള്ള സ്വർണ്ണാഭരണങ്ങൾ പരിധിയിൽ നിന്ന്​ ഒഴിവാക്കിയേക്കും.
ധനകാര്യവകുപ്പും റവന്യു വകുപ്പും​ സംയുക്​തമായിട്ടാവും പദ്ധതി തയാറാക്കുക. നിലവിലുള്ള ഗോൾഡ്​ ബോണ്ട്​ സ്​കീം നവീകരിക്കാനും കേന്ദ്രസർക്കാറിന്​ പദ്ധതിയുണ്ട്​.

പുതിയ സ്​കീം പ്രകാരം വ്യക്​തികൾക്കും ഹിന്ദു അവിഭക്​ത കുടുംബങ്ങൾക്കും നാല്​ കിലോ വരെ സ്വർണ്ണം വാങ്ങാം. ട്രസ്​റ്റുകൾക്ക്​ 25 കിലോ വരെ സ്വർണ്ണം വാങ്ങാനും സാധിക്കും. കാലാവധി പൂർത്തിയാകു​മ്പോൾ അന്നത്തെ വിപണിമൂല്യത്തിലുള്ള സ്വർണ്ണം ലഭിക്കും.

നേരത്തെ പ്രധാൻമന്ത്രി ഗരീബ് കല്യാൺ ​ യോജനയെന്ന പേരിൽ ഇത്തര​ത്തിലൊരു പദ്ധതി കേന്ദ്രസർക്കാർ അവതരിപ്പിച്ചിരുന്നു. എന്നാൽ, അത്​ പൂർണ്ണമായും വിജയിച്ചിരുന്നില്ല. ഇതേ തുടർന്നാണ്​ പുതിയ പദ്ധതിയുടെ പ്രഖ്യാപനത്തിനുള്ള നീക്കങ്ങൾ നടക്കുന്നത്​.

No comments:

Post a Comment

Copyright © 2019 MALABAR FLASH | Design & Maintained by KSDM

Powered by Blogger.