ടാങ്കര്‍, ചരക്കുവാഹനങ്ങള്‍ക്ക് ഒരു കാരണവശാലും രാവിലെ 8 മണിമുതല്‍ രാത്രി 9.30 മണിവരെ നീലേശ്വരം മുതല്‍ മാവുങ്കാല്‍ വരെയും അതുപോലെ നീലേശ്വരം മുതല്‍ ചാമുണ്ഡികുന്നുവരെയും പ്രവേശനം ഇല്ല. കഴിവതും രാത്രി വളരെ വൈകി മാത്രം എത്തത്തക്കരീതിയില്‍ ഈ റൂട്ടിലുടെയുള്ള യാത്ര ക്രമീകരിക്കേണ്ടതാണ്.
പൊതുജനങ്ങള്‍ കഴിവതും ഈ ദിനങ്ങളില്‍ സ്വകാര്യവാഹനങ്ങള്‍ ഒഴിവാക്കി പൊതുവാഹനങ്ങള്‍ ഫലപ്രദമായി ഉപയോഗിച്ച് ഗതാഗതകുരുക്ക് കുറയ്ക്കാന്‍ സഹകരിക്കണം.
കണ്ണൂര്‍ ഭാഗത്തുനിന്നും കാസര്‍കോട്, മംഗലാപുരം ഭാഗത്തേക്ക് പോകുന്ന യാത്രവാഹനങ്ങള്‍ നീലേശ്വരം മാര്‍ക്കറ്റ് റോഡുനിന്നും തെറ്റി നീലേശ്വരം ബസ് സ്റ്റന്‍ഡ്, കോണ്‍വെന്റ് ജംഗ്ഷന്‍, ആലിന്‍കീഴില്‍, കൂലോം റോഡ്, മടിക്കൈ അമ്പലത്തിന്‍ക്കര, കല്യാണ്‍ റോഡ് വഴി എന്‍.എച്ചില്‍ പ്രവേശിച്ചു യാത്രതുടരേണ്ടതാണ്.
അതുപോലെ കാസര്‍കോട് ഭാഗത്തുനിന്നും പയ്യന്നൂര്‍, കണ്ണൂര്‍ ഭാഗത്തേക്ക് പോകേണ്ട യാത്രവാഹനങ്ങള്‍ എന്‍.എച്ച് കൂളിയങ്കാല്‍ റോഡ് വഴി തിരിച്ച് അരയി റോഡ്, കൂലോം റോഡ്, ആലീന്‍കീഴില്‍, കോണ്‍വെന്റ് ജംഗ്ഷന്‍ വഴി നീലേശ്വരം മാര്‍ക്കറ്റില്‍ എത്തി കണ്ണൂര്‍ ഭാഗത്തേക്ക് പോകേണ്ടതാണെന്ന് ജില്ലാ പോലീസ് മേധാവി അറിയിച്ചു.
No comments:
Post a Comment