മക്കയിൽ രണ്ടാം നൂറ്റാണ്ടിലെ ഖബറിടം കണ്ടെത്തി

റിയാദ്: ചരിത്രപരമായ നാല് ഖബറിടങ്ങൾ കണ്ടെത്തിയതായി മക്ക മുനിസിപ്പാലിറ്റി അറിയിച്ചു. ഇവയിലൊന്ന് ഹിജറ രണ്ടാം നൂറ്റാണ്ടിലേതും ബാക്കിയുള്ളവ 700 വർഷത്തിലേറെ പഴക്കമുള്ളവയുമാണ്.[www.malabarflash.com]

അൽ അശ്‌റഫ് അവ്‌ഖാഫിന് സമീപം നാല് ഖബറുകൾ കണ്ടെത്തിയതായി സഊദി കമ്മീഷൻ ഫോർ ടൂറിസം ആൻഡ് നാഷനൽ ഹെറിറ്റേജ് (എസ്‌ സി‌ ടി‌ എച്ച്) പറഞ്ഞു. 

സ്മാർട്ട് പാർക്കിംഗ് പദ്ധതിയുടെ ഉത്ഖനനത്തിനിടെയാണ് ഇവ കണ്ടെത്തിയത്. 1288ൽ മരിച്ച ജമാലുദ്ദീൻ അൽ- ജിലാനി എന്ന വ്യക്തിയുടെതാണ് ഖബറിടങ്ങളിൽ ഒന്ന്. 

മറ്റൊന്ന് ഇസ്്ലാമിക കലണ്ടർ പ്രകാരം രണ്ടാം നൂറ്റാണ്ടിലേതാണ്. ഖബറിടങ്ങൾ അടുത്ത ദിവസം എസ്‌ സി‌ ടി‌ എച്ച് ഔദ്യോഗികമായി ഏറ്റെടുക്കും.