മാര്ച്ച് 1 ന് ഉച്ചയ്ക്ക് ഒരുമണിക്ക് പാണക്കാട് അബ്ബാസ് അലി ശിഹാബ് തങ്ങള് മഖാം സിയാറത്തിനും ഉറൂസ് ഉദ്ഘാടനവും നിര്വ്വഹിക്കും. ഉച്ചയ്ക്ക് 2.30 ന് അനാഥ പെണ്കുട്ടികളുടെ വിവാഹവും നടക്കും. രാത്രി 8.30 ന് മതപ്രഭാഷണ പരമ്പര മുഹമ്മദ് സാലിം സഖാഫി അല്ബുഖാരി ഉദ്ഘാടനം ചെയ്യും. വിവിധ ദിവസങ്ങളില് മുഹമ്മദ് റഫീശ് സഅദി, ഹംസ മിസ്ബാഹി, ഹാഫിള് കബീര് ബാഖവി, അസ്സയ്യിദ് മശ്ഹൂര് മുല്ലക്കോയ തങ്ങള്, അസ്സയ്യിദ് ഫസല് കോയമ്മ തങ്ങള്, ഹാഫിള് ഇ പി അബൂബക്കര് അല് ഖാസിമി, സിറാജുദ്ദിന് ദാരിമി കക്കാട്, തുടങ്ങിയവര് പ്രഭാഷണം നടത്തും.
മാര്ച്ച് നാലിന് വൈകുന്നേരം 3.30 ന് മൗലീദ് പാരായണം. വൈകിട്ട് ആറുമണിവരെ അന്നദാനവും നടക്കും. ഉച്ചയ്ക്ക് ഒരു മണിക്ക് പൊതുസമ്മേളനം കാന്തപുരം എ പി അബൂബക്കര് മുസ്ല്യാര് ഉദ്ഘാടനം ചെയ്യും. കെ എസ് ആറ്റക്കോയ തങ്ങള് കുമ്പോല് അധ്യക്ഷത വഹിക്കും. ഷാഫി സഅദി കന്നഡയില് പ്രഭാഷണം നടത്തും. ഉറൂസിന് വിശ്വാസികള്ക്കായി വാഹന സൗകര്യം ഏര്പ്പെടുത്തിയതായും ഭാരവാഹികള് അറിയിച്ചു.
വാര്ത്താസമ്മേളനത്തില് ഹുസൈന് സഖാഫി, സി എം മാഹിന്, സി ഹസൈനാര്, കെ എ ഉമ്മര്, എന് എ മുഹമ്മദ് ഹാജി സംബന്ധിച്ചു.
No comments:
Post a Comment