കണ്ണൂര്‍ സര്‍വകലാശാലാ കലോത്സവം:മീഡിയാ സെന്റര്‍ തുറന്നു

കാഞ്ഞങ്ങാട്: കണ്ണൂര്‍ സര്‍വകലാശാല യൂണിയന്‍ കലോത്സവത്തിന്റെ ഭാഗമായി കാഞ്ഞങ്ങാട് നിത്യാനന്ദ എന്‍ജിനിയറിങ് കോളേജില്‍ മീഡിയ സെന്റര്‍ തുറന്നു. സര്‍വകലാശാല സിന്‍ഡിക്കേറ്റംഗവും നെഹ്രു കോളേജ് പ്രിന്‍സിപ്പലുമായ ഡോ. ഖാദര്‍ മാങ്ങാട് ഉദ്ഘാടനം ചെയ്തു. മീഡിയാകമ്മിറ്റി ചെയര്‍മാന്‍ ടി.കെ.നാരായണന്‍ അധ്യക്ഷനായി. നഗരസഭാ ഉപാധ്യക്ഷന്‍ പ്രഭാകരന്‍ വാഴുന്നോറടി, കോളേജ് പ്രിന്‍സിപ്പല്‍ കെ.ബാലകൃഷ്ണന്‍, ഷാലു മാത്യു എന്നിവര്‍ സംസാരിച്ചു. കെ.സജേഷ് സ്വാഗതവും രതീഷ് രാജു നന്ദിയും പറഞ്ഞു. ചൊവ്വാഴ്ച വൈകിട്ട് വിളംബരജാഥയും നടന്നു.