അശ്വതി സംഗീതപ്രതിഭ

കാഞ്ഞങ്ങാട്: കണ്ണൂര്‍ സര്‍വകലാശാല കലോത്സവത്തില്‍ 20പോയിന്റ് സ്വന്തമാക്കിയ പയ്യന്നൂര്‍ കോളേജിലെ പി.കെ.അശ്വതി മോഹന്‍ സംഗീതപ്രതിഭയായി തിരഞ്ഞെടുക്കപ്പെട്ടു. ഹിന്ദുസ്ഥാനി സംഗീതത്തിലും ഗസലിലും ഒന്നാംസ്ഥാനവും എ ഗ്രേഡും നേടിയ അശ്വതിക്ക് മാപ്പിളപ്പാട്ടില്‍ മൂന്നാംസ്ഥാനവുമുണ്ട്. സാഹിത്യയിനത്തില്‍ ഉള്‍പ്പെട്ട ഉറുദു പദ്യപാരായണത്തില്‍ ഒന്നാംസ്ഥാനവും അശ്വതിക്കാണ്. കഴിഞ്ഞവര്‍ഷം ഉറുദു പദ്യ പാരായണത്തില്‍ ഒന്നാം സ്ഥാനവും ഹിന്ദുസ്ഥാനി സംഗീതത്തില്‍ രണ്ടാം സ്ഥാനവും നേടിയിരുന്നു. പ്ലസ്ടുവിന് പഠിക്കുമ്പോള്‍ ഉറുദു പദ്യപാരായണത്തില്‍ സംസ്ഥാനതലത്തില്‍ രണ്ടാം സ്ഥാനവും നേടിയിരുന്നു. മോറാഴ കൂളിച്ചാല്‍ സ്വദേശിയാണ്