അസല് രേഖയില്ലെങ്കില് പത്രപ്പരസ്യം, നോട്ടറി സാക്ഷ്യപ്പെടുത്തിയ രേഖ തുടങ്ങി അനുബന്ധ സര്ട്ടിഫിക്കറ്റുകള് ഹാജരാക്കുകയും ഇതുപ്രകാരം സ്ഥലം രജിസ്റ്റര് ചെയ്യാന് കിന്ഫ്ര തയ്യാറാവുകയും ചെയ്താല് പ്രശ്നം കോടതിയിലെത്തിക്കാതെ തീര്ക്കാനാണു നിര്ദേശം. എന്നാല് പട്ടയമില്ലാത്ത ഭൂമിയുടെ കാര്യം കോടതിയിലേ തീര്പ്പാവൂ എന്നാണു സൂചന.
മൂന്നാംഘട്ടത്തില് ഏറ്റെടുക്കുന്ന ഭൂമിയില് ആയിരത്തോളം കൈവശക്കാരുണ്ടെങ്കിലും 10ല് താഴെ പേര്ക്കു മാത്രമേ പട്ടയത്തിന്റെ പ്രശ്നമുള്ളൂവെന്നാണു അധികൃതരുടെ വാദം. ഏറ്റെടുക്കുന്ന സ്ഥലത്തെ വീടിന്റെ കാര്യത്തില് സര്ക്കാര് തീരുമാനമുണ്ടായാലേ അധികതുക നല്കാന് കഴിയൂ എന്നാണു അധികൃതരുടെ നിലപാട്. 2009 ലെ സര്ക്കാര് ഉത്തരവ് പ്രകാരമാണു ഭൂവില നിശ്ചയിച്ചത്. ഭൂമിവില കുതിച്ചുയരുന്ന സാഹചര്യത്തില് ഏറ്റെടുക്കുന്ന ഭൂമിയുടെ വില വര്ധിപ്പിക്കണം എന്നാവശ്യപ്പെട്ടു നേരത്തേ സര്ക്കാരിനു കത്ത് നല്കിയിരുന്നു. ഇതു സംബന്ധിച്ചു പുതിയ കത്ത് കൂടി സര്ക്കാരിനു നല്കാനും യോഗത്തില് തീരുമാനമായി. രണ്ടാം ഘട്ടത്തിലെ വ്യവസ്ഥ പ്രകാരം തന്നെ ഭൂമി ഏറ്റെടുക്കാനാണു നീക്കം. യോഗത്തില് തഹസില്ദാര്മാരായ കെ ഗോവിന്ദന്, കെ ആര് രവീന്ദ്രന്, പി രാജന് പങ്കെടുത്തു.
No comments:
Post a Comment