നഗരത്തിലെ വസ്ത്രക്കടയ്ക്ക് നേരെ അക്രമം

കാസര്‍കോട് : നഗരത്തിലെ വസ്ത്രക്കടയ്ക്ക് നേരെ കല്ലേറ്. കല്ലേറില്‍ മുന്‍വശത്തെ ഗ്ലാസ് പൂര്‍ണ്ണമായും തകര്‍ന്നു. പഴയ ബസ് സ്റ്റാന്റ് ക്രോസ് റോഡിലെ െ്രെബഡ് വെഡ്ഡിംഗ് സെന്ററിനു നേരെയാണ് ഇന്നലെ രാത്രി കല്ലേറുണ്ടായത്. നെല്ലിക്കുന്ന് കടപ്പുറത്തെ എ കെ അബൂബക്കര്‍ ഹാജിയുടെ ഉടമസ്ഥതയിലുള്ള കടയാണ്. ഇന്നു രാവിലെയാണ് സംഭവമറിയുന്നത്. ഇഷ്ടികകൊണ്ട് കല്ലെറിഞ്ഞതാണെന്ന് സംശയിക്കുന്നു. 10,000 രൂപയുടെ നഷ്ടം സംഭവിച്ചതായി അബൂബക്കര്‍ ഹാജി പറഞ്ഞു.