യുവ കേരളത്തിന്റെ ശാക്തീകരണത്തിനു മഹാനടന്റെ പേരില് ആരാധകരുടെ പുത്തന് ചുവടുവയ്പ് എന്ന ആശയമുയര്ത്തിയാണ് സൗജന്യ സ്പോക്കണ് ഇംഗ്ലീഷ് പരീശീലനത്തിനു പദ്ധതി തയാറാക്കിയിരിക്കുന്നത്. സ്പാര്ക്ക് എന്നു പേരിട്ടിരിക്കുന്ന പദ്ധതി മമ്മൂട്ടി ഫാന്സ് അസോസിയേഷന് അംഗങ്ങള്ക്കും അനുഭാവികള്ക്കും മാത്രമായാണ് ആദ്യം തയാറാക്കിയത്. പിന്നീട് എല്ലാ വിഭാഗം ആളുകള്ക്കും പദ്ധതിയുടെ പ്രയോജനം ലഭിക്കണമെന്ന നടന്റെ താത്പര്യപ്രകാരം വിപുലപ്പെടുത്തുകയായിരുന്നു. പതിനാലു ജില്ലകളിലെ തെരഞ്ഞെടുക്കപ്പെട്ട അറുപതു കേന്ദ്രങ്ങളിലൂടെയാണ് സ്പോക്കണ് ഇംഗ്ലീഷ് പരിശീലന ക്ലാസുകള് സംഘടിപ്പിക്കുന്നത്. ഇതിനൊപ്പം വ്യക്തിത്വ വികസനം, സോഫ്റ്റ് സ്കില് പരിശീലനം എന്നിവയിലും ക്ലാസുകളുണ്ടാകും. ഇംഗ്ലീഷ് ഭാഷാ പരിശീലന രംഗത്തെ പ്രമുഖ സ്ഥാപനമായ അങ്കമാലി എമിറോസ് ഐഇഎല്ടിഎസുമായി സഹകരിച്ചാണ് മമ്മൂട്ടി ഫാന്സ് ആന്ഡ് വെല്ഫെയര് അസോസിയേഷന് സ്പാര്ക്ക് പദ്ധതിക്കു രൂപം നല്കിയിരിക്കുന്നത്.
പദ്ധതിയുടെ ഔദ്യോഗിക ഉദ്ഘാടനം മാര്ച്ച് 16നു കാഞ്ഞിരപ്പിള്ളിയില് മന്ത്രി കെ.സി ജോസഫ് നിര്വഹിക്കുമെന്നു മമ്മൂട്ടി ഫാന്സ് ആന്ഡ് വെല്ഫെയര് അസോസിയേഷന് സംസ്ഥാന പ്രസിഡന്റ് റോബര്ട്ട് പള്ളിക്കത്തോട്, എമിറോസ് എഡ്യൂക്കേഷന് ഡയറക്ടര് സിബി തോമസ് എന്നിവര് അറിയിച്ചു. പ്രമുഖ കരിയര് കണ്സള്ട്ടന്റ് ജലീഷ് പീറ്ററിന്റെ നേതൃത്വത്തിലുള്ള ആറംഗ പരീശീകരാണ് ക്ലാസുകള് നയിക്കുന്നത്.
(ദീപിക)
No comments:
Post a Comment