കാരുണ്യത്തിനു കാത്തുനില്‍ക്കാതെ സനൂപ് യാത്രയായി

തളിപ്പറമ്പ്: ഉദാരമതികളുടെ കാരുണ്യത്തിനു കാത്തുനില്‍ക്കാതെ തളിപ്പറമ്പ് പൂക്കോത്തുതെരുവിലെ സനൂപ് യാത്രയായി. രണ്ടു വൃക്കകളും തകരാറിലായതിനെ തുടര്‍ന്നു പിതാവ് മന്ദോട്ടി കരുണാകരനില്‍ നിന്നു വൃക്ക സ്വീകരിക്കാനായുള്ള ശസ്ത്രക്രിയക്ക് ഒരുങ്ങുന്നതിനിടെയാണു 21കാരനായ സനൂപ് മരണത്തിനു കീഴടങ്ങിയത്. ചികിത്സാ ചെലവിനായി നാട്ടുകാര്‍ കമ്മിറ്റിയുണ്ടാക്കി പണം സ്വരൂപിച്ചു വരികയായിരുന്നു.
ബുധനാഴ്ച പുലര്‍ച്ചെ കോഴിക്കോട് മെഡിക്കല്‍കോളജിലായിരുന്നു മരണം. മാതാവ്: ശോഭ. സഹോദരി: സൗമ്യ (കേനന്നൂര്‍ എക്‌സ്‌പോര്‍ട്ട്‌സ്, കണ്ണൂര്‍). സംസ്‌കാരം വ്യാഴാഴ്ച രാവിലെ ഒന്‍പതിന് പൂക്കോത്തുതെരു സമുദായ ശ്മശാനത്തില്‍ നടക്കും