പയ്യന്നൂര്‍ കോളേജ് മുന്നില്‍

കാഞ്ഞങ്ങാട്:കാഞ്ഞങ്ങാട് നിത്യാനന്ദ എന്‍ജിനിയറിങ് കോളേജില്‍ നടക്കുന്ന കണ്ണൂര്‍ സര്‍വകലാശാല കലോത്സവത്തില്‍ 79 ഇനങ്ങള്‍ പൂര്‍ത്തിയായപ്പോള്‍ 103 പോയിന്‍േറാടെ പയ്യന്നൂര്‍ കോളേജ് മുന്നില്‍. 92 പോയിന്റ് നേടി അങ്ങാടിക്കടവ് ഡോണ്‍ബോസ്‌കോ കോളേജും 91 പോയിന്‍േറാടെ കാഞ്ഞങ്ങാട് നെഹ്രു കോളേജും തൊട്ടുപിറകിലുണ്ട്. 87 പോയിന്റ് നേടി തലശ്ശേരി ബ്രണ്ണന്‍ കോളേജ് നാലാംസ്ഥാനത്തും 80 പോയിന്റ് നേടി കണ്ണൂര്‍ എസ്.എന്‍.കോളേജ് അഞ്ചാംസ്ഥാനത്തുമാണ്. ഞായറാഴ്ച രാത്രി വൈകിയും മത്സരങ്ങള്‍ നടന്നു. രാത്രിയില്‍ നടന്ന മാര്‍ഗംകളി, ഗ്രൂപ്പ് ഡാന്‍സ് എന്നീ ഇനങ്ങള്‍ കാണാന്‍ വലിയ ജനക്കൂട്ടമാണ് ഉണ്ടായിരുന്നത്. കലോത്സവം ചൊവ്വാഴ്ച സമാപിക്കും.