10.15നു തിരുവനന്തപുരം വിമാനത്താവളത്തിലെത്തുന്ന മഅദനിയെ ഐ.സി.യു ആംബുലന്‍സില്‍ കൊല്ലം മീയന്നൂര്‍ അസീസിയ മെഡിക്കല്‍ കോളജിലേക്കു കൊണ്ടുപോവും. ഇവിടെ കിടത്തിച്ചികില്‍സയ്ക്ക് വിധേയനാവുന്ന മഅദനി 13 വരെ ആശുപത്രിയില്‍ കഴിയും. ഞായറാഴ്ച കൊട്ടിയം സുമയ്യ ഓഡിറ്റോറിയത്തില്‍ നടക്കുന്ന മകളുടെ വിവാഹത്തില്‍ പങ്കെടുക്കും. തിങ്കളാഴ്ച അന്‍വാര്‍ശ്ശേരിയിലെത്തി പിതാവിനെ കാണും. ജാമ്യവ്യവസ്ഥ അനുസരിച്ച് അടുത്ത ബന്ധുക്കള്‍ക്കു മാത്രമാണ് അദ്ദേഹത്തെ സന്ദര്‍ശിക്കാന്‍ അനുമതി ലഭിക്കുക. മാധ്യമപ്രവര്‍ത്തകരുമായി സംസാരിക്കുന്നതിനും കോടതി വിലക്കേര്‍പ്പെടുത്തിയിട്ടുണ്ട്.
കനത്ത സുരക്ഷാസംവിധാനമാണ് ആഭ്യന്തരവകുപ്പ് ഒരുക്കിയിരിക്കുന്നത്. ദക്ഷിണമേഖലാ എ.ഡി.ജി.പി എ ഹേമചന്ദ്രനാണ് സുരക്ഷാ ചുമതല. തിരുവനന്തപുരം വിമാനത്താവളത്തില്‍ പോലിസ് സുരക്ഷയൊരുക്കും. വെളളിയാഴ്ച ഉച്ചയ്ക്ക് കോട്ടയത്ത് പി.ഡി.പി നേതാക്കള്‍ ആഭ്യന്തരമന്ത്രിയുമായി ചര്‍ച്ച നടത്തി.
No comments:
Post a Comment