രാത്രി കൂട്ടമായെത്തിയ സംഘമാണ് ആക്രമണം നടത്തിയത്. ബൈബിള് സൊസൈറ്റി അംഗം റോഷന്റെ മാതാവ് എമിലി ലോബോ, കാര്ക്കളയിലെ സൂര്യ(38), ശാന്താറാം, പ്രേം മെന്ഡോന്ക(16), എന്ജിനിയറിങ് വിദ്യാര്ഥി സാവിയോ ജോണ്സണ് എന്നിവരെ പരിക്കുകളോടെ അജാര്ക്കാട്ട് ആസ്പത്രിയിലും ഗുരുതരമായി പരിക്കേറ്റ രമേഷിനെ കെ.എം.സി. ആസ്പത്രിയിലും പ്രവേശിപ്പിച്ചു.
12 വര്ഷമായി പ്രവര്ത്തിച്ചുകൊണ്ടിരിക്കുന്ന പ്രാര്ഥനാലയമാണിതെന്ന് ബൈബിള് സൊസൈറ്റി പ്രവര്ത്തകനായ റോഷന് പറഞ്ഞു. ഇടയ്ക്ക് ബജ്രംഗ്ദള് പ്രവര്ത്തകരില്നിന്ന് താക്കീത് ഉണ്ടായിരുന്നു. മതംമാറ്റത്തെ പ്രോത്സാഹിപ്പിക്കുന്നു എന്നായിരുന്നു ആരോപണം. എന്നാല് തങ്ങള് വളരെ സുതാര്യമായാണ് പ്രവര്ത്തിക്കുന്നത് -റോഷന് പറഞ്ഞു.
സംഭവം വളരെ ഗൗരവമായി കാണുമെന്ന് ഐ.ജി. പ്രകാശ് റെഡ്ഡി പറഞ്ഞു. ബാക്കി പ്രതികളെയും ഉടന് പിടികൂടും-അദ്ദേഹം പറഞ്ഞു.
No comments:
Post a Comment