ഇന്നലെ രാവിലെ ഒന്പതരയ്ക്കാണ് ഹുസൈന് ഉള്പ്പടെയുള്ളവരെ ശ്രീലങ്കയില് നിന്ന് തിരുവനന്തപുരത്തേക്ക് കൊണ്ടുവന്നത്. സഹോദരന് മഹമൂദ്, ഭാര്യ സഹോദരന് അഷറഫ്, ബന്ധു മുസ്തഫ, പള്ളിക്കര മണ്ഡലം കോണ്ഗ്രസ് പ്രസിഡണ്ട് എം.പി.എം ഷാഫി, പ്രവാസി കോണ്ഗ്രസ് നേതാവ് ഇബ്രാഹിം പരവനടുക്കം എന്നിവരാണ് ഹുസൈന്റെ വരവറിഞ്ഞ് തിരുവനന്തപുരം വിമാനത്താവളത്തിലെത്തിയത്. മയക്കുമരുന്നുമായി 2000 ഫെബ്രുവരി 10നാണ് ഹുസൈനെ ജയിലിലടച്ചത്.
ഹുസൈനെ ഇന്നലെയാണ് പൂജപ്പുര സെന്ട്രല് ജയിലിലേക്കാണ് കൊണ്ടുപോയത്. തിരുവനന്തപുരത്ത് നിന്ന് അടുത്ത് തന്നെ കണ്ണൂര് ജയിലിലേക്ക് മാറ്റും. നടപടി ക്രമങ്ങള് പൂര്ത്തിയായാല് ഉടന് മോചിതനാകുവാന് കഴിയുമെന്നാണ് ജയില് അധികൃതര് നല്കിയ സൂചനയെന്ന് ബന്ധുക്കള് പറഞ്ഞു.
ഹുസൈന് തിരുവനന്തപുരത്തെത്തിയ വിവരം അറിഞ്ഞ് ഉമ്മ ഫാത്തിമയും ഭാര്യ ആമിനയും ഇതുവരെ കാണാത്ത മകന് 13 കാരനായ ദില്ഷാദും തികഞ്ഞ ആഹ്ലാദത്തിലാണ്. ഒപ്പം മൌവ്വല് ഗ്രാമവും.
No comments:
Post a Comment