യുവാവിന്റെ മരണത്തിനിടയാക്കിയ ബസ് തട്ടിക്കൊണ്ടുപോയി

മലപ്പുറം: യുവാവിന്റെ മരണത്തിനിടയാക്കിയ അപകടത്തില്‍ പെട്ട ബസ് തട്ടിക്കൊണ്ടു പോയതായി പരാതി. വെള്ളിയാഴ്ച വൈകീട്ട് ആറു മണിയോടെ കുന്നുംപുറത്താണ് നാടകീയ രംഗങ്ങള്‍ അരങ്ങേറിയത്. ഇക്കഴിഞ്ഞ ഒമ്പതിന് കുന്നുംപുറം ഇ.കെ.പടിയില്‍ ബസും ബൈക്കും കൂട്ടിയിടിച്ചുണ്ടായ അപകടത്തില്‍ കണ്ണമംഗലം ഗ്രാമപ്പഞ്ചായത്ത് സ്ഥിരംസമിതി ചെയര്‍മാന്‍ സി കെ മൂസയുടെ മകന്‍ കുന്നുംപുറത്തെ ജ്വല്ലറി ജീവനക്കാരനായിരുന്ന ജംഷീദ്(20) മരണപ്പെട്ടിരുന്നു.
വേങ്ങര സ്വദേശിയുടെ ബിസ്മില്ല എന്ന പേരിലുള്ള ബസാണ് അപകടത്തില്‍ പെട്ടിരുന്നത്. അപകട ശേഷം പേരുമാറ്രി ഗ്യാലക്‌സി എന്ന പേരില്‍ ഓട്ടം തുടങ്ങിയ ഈ ബസാണ് യാത്രക്കാരെ ഇറക്കിവിട്ട് തട്ടിക്കൊണ്ടു പോയതത്രെ.രാത്രി പത്തുമണിയോടെ പോലിസ് ബസ് കണെ്ടടുത്തു. സംഭവത്തെക്കുറിച്ചു പോലിസ് അന്വേഷിക്കുകയാണ്. യാത്രക്കാരെ ഇറക്കിവിട്ട് ബസ് തട്ടിയെടുത്തതിനെതിരെ ഉടമകള്‍ തിരൂരങ്ങാടി പോലിസില്‍ പരാതി നല്‍കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News