ദേവാലയം തകര്‍ത്ത് ആഭരണങ്ങള്‍ കവര്‍ന്നു

മംഗലാപുരം: മുരടേശ്വരത്തെ ചന്ദ്രഹിട്‌നുവിലെ ക്രൈസ്റ്റ് ദ കിങ് ദേവാലയം തകര്‍ത്ത് സ്വര്‍ണം, വെള്ളി ആഭരണങ്ങള്‍ കവര്‍ന്നു. ശനിയാഴ്ചയാണ് സംഭവം. വാതില്‍ തകര്‍ത്ത് അകത്തുകയറിയ അക്രമികള്‍ തിരുരൂപത്തിന്റെ ചില്ല് തകര്‍ത്താണ് ആഭരണങ്ങള്‍ കവര്‍ന്നത്. അലമാരയും ആരാധനാവസ്തുക്കളും നശിപ്പിച്ചിട്ടുണ്ട്. സമീപം നിര്‍ത്തിയിട്ട വാനിന്റെ ചില്ലും തകര്‍ത്തു. മുരടേശ്വര്‍ പോലീസ് കേസെടുത്തു.