പയ്യന്നൂര്‍ താലൂക്ക് ആസ്‌പത്രിയില്‍ വിജിലന്‍സ് പരിശോധന

പയ്യന്നൂര്‍:പയ്യന്നൂര്‍ ഗവ. താലൂക്ക് ആസ്​പത്രിയില്‍ പ്രസവശുശ്രൂഷയ്‌ക്കെത്തുന്ന രോഗികളില്‍നിന്ന് അനധികൃതമായി പണം കൈപ്പറ്റുന്നു എന്ന പരാതിയില്‍ ഡയറക്ടര്‍ ഓഫ് ഹെല്‍ത്ത് സര്‍വീസസ് വിജിലന്‍സ് വിഭാഗം അന്വേഷണം ആരംഭിച്ചു. ബ്ലോക്ക് കോണ്‍ഗ്രസ് പ്രസിഡന്റ് എ.പി.നാരായണന്‍ ആരോഗ്യ മന്ത്രി വി.എസ്.ശിവകുമാറിനയച്ച പരാതിയുടെ അടിസ്ഥാനത്തിലാണ് അന്വേഷണത്തിന് ഉത്തരവിട്ടിരിക്കുന്നത്.
ആരോപണം സംബന്ധിച്ച് പരിശോധിക്കാന്‍ വെള്ളിയാഴ്ച രാവിലെയാണ് വിജിലന്‍സ് സംഘം ആസ്​പത്രിയിലെത്തിയത്.