ഉദുമയില്‍ നടന്നു പോകുകയായിരുന്നയാളെ ബൈക്കിലെത്തിയ സംഘം മര്‍ദ്ദിച്ചു

ഉദുമ: കുടിവെള്ള വിതരണ കേന്ദ്രത്തില്‍ നിന്നും വീട്ടിലേക്ക് നടന്നുപോകുകയായിരുന്നയാളെ ബൈക്കിലെത്തിയ മൂന്നംഗ സംഘം മര്‍ദ്ദിച്ചു. ഉദുമ കരിപ്പോടി തിരൂര്‍ മുച്ചിലോട്ട് ഭഗവതീ ക്ഷേത്ര കമ്മിറ്റി ജോയിന്റ് സെക്രട്ടറി നാലാവാതുക്കല്‍ കുന്നുമ്മലിലെ കെ.വി നാരായണന്റെ മകന്‍ കെ. സുകുമാരനെ (53)ണ് മര്‍ദ്ദനമേറ്റത്. രാജീവ് ഗാന്ധി കുടിവെളള പദ്ധതിയുടെ നടത്തിപ്പുകാരനായ കുമാരന്‍ തിങ്കളാഴ്ച രാത്രി ഒമ്പതുമണിയോടെ ടാങ്കില്‍ വെളളം നിറച്ചതിന് ശേഷം വീട്ടിലേക്ക് നടന്നു പോവുന്നതിനിടയില്‍ ബൈക്കിലെത്തിയ മൂന്ന് യുവാക്കള്‍ പേരു ചോദിച്ചതിനു ശേഷം മര്‍ദ്ദിക്കുകയായിരുന്നു. ശബ്ദം കേട്ട് പരിസരവാസികള്‍ എത്തുമ്പേഴേക്കും അക്രമികള്‍ രക്ഷപ്പെട്ടിരുന്നു. മുഖത്തും വയററിനും പരിക്കേററ കുമാരനെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. സംഭവത്തെ കുറിച്ച് ബേക്കല്‍ പോലീസ് അന്വേഷണം ആരംഭിച്ചു.


Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News,