ഗണേഷ് കുമാറിനു പകരം നായര്‍ സമുദായത്തില്‍ പെട്ടയാളയേ പരിഗണിക്കൂ. എന്‍.എസ്.എസ് സര്‍ക്കാറുമായി ഇടഞ്ഞുനില്‍ക്കുന്ന സാഹചര്യത്തില്‍ മന്ത്രിസ്ഥാനത്തേക്ക് പേര് നിര്‍ദേശിക്കാന്‍ സാധ്യതയില്ല. എന്നാല്‍ എന്‍.എസ്.എസിന് കൂടി സ്വീകാര്യനായ ആളെയേ മന്ത്രിയാക്കൂ.
നേരത്തെ സജീവ ചര്‍ച്ചയായി പിന്നീട് കെട്ടണഞ്ഞ രമേശ് ചെന്നിത്തലയുടെ മന്ത്രിസഭാ പ്രവേശം ഈ ഘട്ടത്തില്‍ വീണ്ടും വിഷയമായാല്‍ അത്ഭുതപ്പെടാനില്ല. മന്ത്രിസഭയിലേക്കില്ലെന്ന ഉറച്ച നിലപാടില്‍ നിന്നും ചെന്നിത്തല മാറിയിട്ടില്ല. സര്‍ക്കാറിന്റെ മുഖഛായ മങ്ങിയതിനാല്‍ രമേശിനെ മന്ത്രിസഭയിലെടുത്ത് ഭൂരിപക്ഷ സമുദായത്തിന്റെ പിന്തുണ ആര്‍ജിക്കണമെന്ന താല്‍പര്യം ഉമ്മന്‍ ചാണ്ടിക്കുണ്ട്. ചെന്നിത്തലയെ പാര്‍ട്ടി നേതൃത്വത്തില്‍ നിന്നും അടര്‍ത്തുക എന്ന താല്‍പര്യം കൂടി ഈ ആഗ്രഹത്തിനു പിന്നിലുണ്ട്. സര്‍ക്കാറിനെ താഴെയിറക്കുമെന്ന് എല്‍.ഡി.എഫ് പ്രഖ്യാപിച്ചതിനാല്‍ കരുതലോടെയാണ് ഉമ്മന്‍ചാണ്ടിയരുടെ ഓരോ നീക്കവും.
ഹൈക്കമാന്‍ഡുമായി കൂടിയാലോചിച്ച ശേഷമേ മന്ത്രിസഭാ അഴിച്ചുപണിക്ക് അദ്ദേഹം ഒരുങ്ങൂ. രമേശ് മന്ത്രിസഭയില്‍ വരണമെന്ന ആഗ്രഹം മുഖ്യമന്ത്രി വീണ്ടും ഹൈക്കമാന്‍ഡിനു മുന്നില്‍ വെച്ചേക്കും.
(മാധ്യമം)
No comments:
Post a Comment