സെന്‍ യിങുവാന്റെ നീളം അഞ്ചടി; മുടിയുടേത് 6.7 അടി

ബെയ്ജിങ്: തന്നേക്കാള്‍ ഒരടി നീളം കൂടുതലുള്ള മുടിയുമായി ചൈനീസ് സ്ത്രീ റെക്കോഡിലേക്ക്. അഞ്ചടി ഉയരമുള്ള 44കാരിയായ സെന്‍ യിങുവാന്റെ മുടിയുടെ നീളം ആറടി ഏഴിഞ്ച് ആണ്.— ഗുവാങ്‌സി പ്രവിശ്യയിലെ ഗ്വിഗാങ് സ്വദേശിനിയായ അവര്‍ 11 വര്‍ഷമായി മുടി മുറിച്ചിട്ടില്ല. ഏറെ പണിപ്പെട്ടാണ് തന്റെ മുടി പരിപാലിച്ചുവരുന്നതെന്ന് യിങുവാന്‍ പറയുന്നു. തലമുടി പൂര്‍ണമായും അഴിച്ചിട്ടുനടക്കാന്‍ ഇവര്‍ക്കു കഴിയില്ല. ശരാശരി ഓരോ വര്‍ഷവും 50 ഗ്രാം തൂക്കംവരുന്ന മുടിനാരുകളാണ് ഇവരുടെ തലയില്‍നിന്നു കൊഴിയുന്നത്. 2005 മുതല്‍ തന്റെ കൊഴിയുന്ന മുടിനാരുകള്‍ ഇവര്‍ സൂക്ഷിച്ചുവച്ചിട്ടുമുണ്ട്. മധ്യവയസ്സിനോടടുത്തെങ്കിലും മുടിയില്‍ ഇതുവരെ നര വീണിട്ടില്ല.
ബക്കറ്റില്‍ വെള്ളമെടുത്ത് മുടി അതില്‍ മുക്കിയാണ് കഴുകുന്നത്. മുടിയുടെ തിളക്കം വര്‍ധിക്കാന്‍ ആഴ്ചയില്‍ രണ്ടുതവണ ഒരു കുപ്പി ബിയറില്‍ മുടി മുക്കുകയും ചെയ്യും. തന്റെ മുടി വന്‍ തുകയ്ക്കു വാങ്ങാന്‍ വാഗ്ദാനം വന്നിട്ടുണെ്ടന്നും അവര്‍ പറഞ്ഞു.