ഭർത്താവിനൊപ്പം റെയിൽ വേ സ്റ്റേഷനിലെത്തിയ യുവതി 'മുങ്ങി'യെന്ന് പരാതി

ചങ്ങനാശേരി: ഭര്‍ത്താവിനോടൊപ്പം തിരുവനന്തപുരത്തേക്കു പോകാനെത്തിയ യുവതി ചങ്ങനാശേരി റെയില്‍വേസ്റ്റേഷനില്‍നിന്നു മുങ്ങിയതായി പരാതി. കുട്ടനാട് സ്വദേശിനിയായ യുവതിയും തിരുവനന്തപുരം സ്വദേശിയായ ഭര്‍ത്താവുമാണു ട്രെയിന്‍ യാത്രയ്ക്കായി ചങ്ങനാശേരിയിലെത്തിയത്. ഭര്‍ത്താവ് ചായകുടിക്കാന്‍ പോയ തക്കംനോക്കി യുവതി മുങ്ങുകയായിരുന്നു. ചായ കുടിച്ചു മടങ്ങിയെത്തിയപ്പോള്‍ ഭാര്യയെ കാണാതായതിനെത്തുടര്‍ന്നു ഭര്‍ത്താവ് റെയില്‍വേ പോലീസിലും ചങ്ങനാശേരി പോലീസിലുംപരാതി നല്‍കി. സിഐ നിഷാദ്മോന്‍, എസ്ഐ ജോയി മാത്യു എന്നിവരുടെ നേതൃത്വത്തില്‍ പോലീസ് നടത്തിയ അന്വേഷണത്തില്‍ യുവതിയെ മാവേലിക്കരയില്‍നിന്നു പിടികൂടി.