കോട്ടിക്കുളം റെയില്‍വേ സ്‌റ്റേഷന്‍ തരംതാഴ്ത്താനുള്ള തീരുമാനത്തിനെതിരെ ബഹുജന മാര്‍ച്ച്

ഉദുമ: കോട്ടിക്കുളം റെയില്‍വേ സ്‌റ്റേഷന്‍ തരംതാഴ്ത്താനുള്ള തീരുമാനം പിന്‍വലിക്കണമെന്നാവശ്യപ്പെട്ട് ഉദുമ പഞ്ചായത്ത് റെയില്‍വേ ആക്ഷന്‍ കമ്മിറ്റി നേതൃത്വത്തില്‍ ബഹുജന മാര്‍ച്ച് സംഘടിപ്പിച്ചു. ഉദുമ പഞ്ചായത്ത് ഓഫീസ് പരിസരത്ത് നിന്ന് ജനപ്രതിനിധികളെ പങ്കെടുപ്പിച്ച് കോട്ടിക്കുളം റെയില്‍വേ സ്‌റ്റേഷനിലേക്ക് നടത്തിയ മാര്‍ച്ചില്‍ നൂറുകണക്കിനാളുകള്‍ പങ്കെടുത്തു. പി കരുണാകരന്‍ എം പി ഉദ്ഘാടനം ചെയ്തു. പഞ്ചായത്ത് പ്രസിഡന്റ് കെ കസ്തൂരി അധ്യക്ഷയായി. കെ കുഞ്ഞിരാമന്‍ എംഎല്‍എ (ഉദുമ), മുന്‍ എംഎല്‍എ കെ വി കുഞ്ഞിരാമന്‍, ബ്ലോക്ക് പഞ്ചായത്തംഗങ്ങളായ ടി കെ അഹമ്മദ്ഷാഫി, എ കുഞ്ഞിരാമന്‍, ഉദുമ ഗ്രാമപഞ്ചായത്ത് വൈസ് പ്രസിഡന്റ് എ ബാലകൃഷ്ണന്‍, വി ഗോപാലന്‍ എന്നിവര്‍ സംസാരിച്ചു. ആക്ഷന്‍ കമ്മിറ്റി ജനറല്‍ കണ്‍വീനര്‍ മധുമുതിയക്കാല്‍ സ്വാഗതം പറഞ്ഞു.
കോട്ടിക്കുളം റെയില്‍വേ സ്‌റ്റേഷനെ `ഡി ഗ്രേഡില്‍നിന്ന് ഇ`യിലേക്ക് തരംതാഴ്ത്താനുള്ള തീരുമാനം പിന്‍വലിക്കുക, മേല്‍പ്പാലം പണി ഉടന്‍ ആരംഭിക്കുക, കൂടുതല്‍ ട്രെയിനുകള്‍ക്ക് സ്‌റ്റോപ്പ് അനുവദിക്കുക തുടങ്ങിയ ആവശ്യങ്ങളുന്നയിച്ചാണ് മാര്‍ച്ച് നടത്തിയത്.