ദേശീയ ജേതാക്കള്‍ക്ക് സ്വീകരണം നല്‍കി

കോട്ടിക്കുളം : മഹാരാഷ്ട്രയില്‍ വെച്ച് നടന്ന പതിനഞ്ചാമത് ഓള്‍ ഇന്ത്യാ ടെന്നീസ് വോളിബോള്‍ ചാമ്പ്യന്‍ഷിപ്പില്‍ രണ്ടാം സ്ഥാനം നേടിയ ജൂനിയര്‍, സീനിയര്‍ കേരള ടീമിന്റെ അംഗഹ്ങളായ നൂറുല്‍ ഹുദാ സ്‌കൂളിലെ കായികതാരങ്ങള്‍ക്ക് നൂറുല്‍ ഹുദാ ബോര്‍ഡ് ഓഫ് എജ്യുക്കേഷന്‍ കമ്മിറ്റി സ്വീകരണം നല്‍കി. ചടങ്ങ് റഫീഖ് അങ്കക്കളരി ഉദ്ഘാടനം ചെയ്തു. അബ്ദുല്ല മമ്മുഹാജി അധ്യക്ഷത വഹിച്ചു. നൂറുല്‍ ഹുദാ ബോര്‍ഡ് ഓഫ് എജ്യുക്കേഷന്റെ വകയായുള്ള ട്രോഫിയും മെഡലും സ്‌കൂള്‍ പ്രിന്‍സിപ്പല്‍ ഷീബാ ബഷീര്‍ വിതരണം ചെയ്തു. അമീര്‍ ഐഡിയല്‍, എം എസ് ജംഷീദ, ഹാരിസ് അങ്കക്കളരി, മനോജ്, എം എം ഇബ്രാഹിം എന്നിവര്‍ സംസാരിച്ചു. ഷെരീഫ് കാപ്പില്‍ സ്വാഗതം പറഞ്ഞു.