അലിവ് നിറഞ്ഞ ഹൃദയങ്ങളുടെ പ്രാര്‍ഥനയും പിന്തുണയും; കുഞ്ഞുഗായത്രിയുടെ കരള്‍മാറ്റിവെച്ചു

കൊച്ചി: അലിവ് നിറഞ്ഞ ഹൃദയങ്ങളുടെ പ്രാര്‍ഥനയും പിന്തുണയും കുഞ്ഞുഗായത്രിയെ തുണച്ചു. അമൃത ആശുപത്രിയില്‍ ഗായത്രിയുടെ കരള്‍മാറ്റിവെയ്ക്കല്‍ വ്യാഴാഴ്ച നടന്നു. പതിനൊന്നു മണിക്കൂറിലേറെ നീണ്ട ശസ്ത്രക്രിയ രാത്രി 8 മണിയോടെയാണ് അവസാനിച്ചത്. അവയവമാറ്റത്തിനു വിധേയരായവര്‍ക്കുള്ള പ്രത്യേക ഐ.സി.യു.വിലാണ് ഗായത്രി. അവള്‍ക്ക് കരള്‍ പകുത്തുനല്‍കിയ മുത്തശ്ശി ഓമന (46) സുഖമായിരിക്കുന്നതായി ആശുപത്രി വൃത്തങ്ങള്‍ അറിയിച്ചു. ഓമന ഇപ്പോള്‍ സര്‍ജറി ഐ.സി.യു.വിലാണ്. ഡോ. സുധീന്ദ്രന്റെ നേതൃത്വത്തിലായിരുന്നു കരള്‍മാറ്റിവെയ്ക്കല്‍. അഞ്ചുമാസം മാത്രം പ്രായമുള്ള ഗായത്രിയുടെ ശസ്ത്രക്രിയ അതിസങ്കീര്‍ണമായിരുന്നു.

പള്ളിക്കര വെമ്പിള്ളി പൈലിമുക്കില്‍ ചേലക്കാട്ടുകുടി റെജീഷിന്റെയും ലിന്‍സിയുടെയും മകളാണ് ഗായത്രി. രോഗബാധയെ തുടര്‍ന്നാണ് കരള്‍ മാറ്റിവെയ്ക്കാന്‍ ഡോക്ടര്‍മാര്‍ നിര്‍ദേശിച്ചത്.

പുറമ്പോക്കില്‍ താമസിക്കുന്ന ദരിദ്രകുടുംബത്തിന് ഇതിനുള്ള പണം കണ്ടെത്താന്‍ കഴിയുമായിരുന്നില്ല. ഗായത്രിയുടെ അവസ്ഥയെക്കുറിച്ച് മാധ്യമങ്ങള്‍ വാര്‍ത്ത നല്‍കുകയും ഫെയ്‌സ്ബുക്ക് കൂട്ടായ്മയും വ്യാപകമായ പ്രചരണം നടത്തുകയും ചെയ്തതിലൂടെ വിദേശത്തുനിന്നടക്കം സംഭാവനകള്‍ ഒഴുകിയെത്തി. ഗായത്രിയുടെ ചികിത്സയ്ക്കായി തുടങ്ങിയ അക്കൗണ്ടില്‍ 60 ലക്ഷം രൂപയോളം എത്തിക്കഴിഞ്ഞു.
റെജീഷിന്റെ അമ്മ ഓമനയാണ് ഗായത്രിക്ക് കരള്‍ നല്‍കിയത്.
ശസ്ത്രക്രിയയ്ക്ക് പ്രാര്‍ഥനയും പിന്തുണയും നേര്‍ന്നുകൊണ്ട് അനേകം പേര്‍ റെജീഷിന്റെ കുടുംബവുമായി ബന്ധപ്പെട്ടിരുന്നു.

പത്ത് രൂപയും ഒരു ഷെയറും: ഫേസ്ബുക്ക് കൂട്ടായ്മ ശ്രദ്ധേയമാകുന്നു

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News