ടാങ്കര്‍ ദുരന്തം; ഒരാള്‍കൂടി മരിച്ചു

മംഗലാപുരം: ദേശീയപാതയില്‍ പെര്‍ണയില്‍ ടാങ്കര്‍ മറിഞ്ഞ് തീപിടിച്ചുണ്ടായ അപകടത്തില്‍ ചികിത്സയിലായിരുന്ന ഒരാള്‍കൂടി മരിച്ചു. പെര്‍ണെ അണ്ണു നായികിന്റെ മകള്‍ വിമല(34) ആണ് മരിച്ചത്. 60 ശതമാനത്തോളം പൊള്ളലേറ്റ വിമല മംഗലാപുരം ഫാദര്‍ മുള്ളേഴ്‌സ് ആസ്​പത്രിയില്‍ ചികിത്സയിലായിരുന്നു. വെള്ളിയാഴ്ച രാവിലെയായിരുന്നു അന്ത്യം. ഇതോടെ ടാങ്കര്‍ ദുരന്തത്തില്‍ മരിച്ചവരുടെ എണ്ണം ഒമ്പതായി.
കഴിഞ്ഞ വ്യാഴാഴ്ചയാണ് പെര്‍ണയില്‍ ഗ്യാസ് ടാങ്കര്‍ അപകടത്തില്‍പ്പെട്ടത്. വളവ് തിരിയുമ്പോള്‍ വൈദ്യുതിപ്പോസ്റ്റിലിടിച്ച് മറിയുകയായിരുന്നു. ഉടന്‍ തന്നെ ഗ്യാസ് ചോര്‍ന്ന് തീപിടിച്ച് പൊട്ടിത്തെറിച്ചു.

പെര്‍ണെയിലെ അങ്കണവാടിയില്‍ ഹെല്‍പറായ വിമല അങ്കണവാടിയിലെ ആവശ്യത്തിനായി പച്ചക്കറി വാങ്ങാനിറങ്ങിയപ്പോഴാണ് അപകടത്തില്‍പ്പെട്ടത്. ആളിക്കത്തിയ തീയില്‍പ്പെട്ട് റോഡരികില്‍ വീഴുകയായിരുന്നു. ആന്തരാവയവങ്ങള്‍ക്കുകൂടി പൊള്ളലേറ്റ നിലയിലാണ് വിമലയെ ആസ്​പത്രിയിലെത്തിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Endosulfan, Mangalore News