നിര്‍ത്തിയിട്ട ജെ സി ബി യില്‍ വാനിടിച്ച് 5 പേര്‍ക്ക് പരിക്ക്, ഒരാളുടെ നില ഗുരുതരം

കുമ്പള : ആശുപത്രിയില്‍ നിന്നും മടങ്ങുകയായിരുന്ന കുടുംബം സഞ്ചരിച്ച മാരുതി ഓമ്‌നി വാന്‍ റോഡരികില്‍ നിര്‍ത്തിയിട്ട ജെ സി ബിയില്‍ ഇടിച്ച് അഞ്ചുപേര്‍ക്ക് പരിക്കേറ്റു. ആരിക്കാടി കാര്‍ളെയിലെ നാരായണ പൂജാരി (54), ഭാര്യ രത്‌നകല (45), മകള്‍ നിഷ്മിത (14), ഭാര്യമാതാവ് സുഗന്ധി (70), വാന്‍ ഡ്രൈവര്‍ മംഗല്‍പാടിയിലെ ഹരീഷ് (45) എന്നിവര്‍ക്കാണ് പരിക്കേറ്റത്. ഗുരുതരമായി പരിക്കേറ്റ ഹരീഷിനെ മംഗലാപുരം ആശുപത്രിയിയും മറ്റുള്ളവരെ കാസര്‍കോട്ടെ ആശുപത്രിയിലും പ്രവേശിപ്പിച്ചു. വെളളിയാഴ്ച ഉച്ചയ്ക്ക് രണ്ടരയോടെ പെര്‍വാഡ് ദേശീയ പാതയിലാണ് അപകടം. രത്‌നകല അസുഖത്തെത്തുടര്‍ന്ന് ആശുപത്രിയില്‍ ചികിത്സയിലായിരുന്നു. വെളളിയാഴ്ച ഡിസ്ചാര്‍ജ് ചെയ്ത് വീട്ടിലേക്ക് മടങ്ങവെയാണ് അപകടം.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News