'സ്ത്രീരോദനത്തിന്റെ കാണാപ്പുറങ്ങള്‍' പ്രകാശനം ചെയ്തു

കാസര്‍കോട്: എഴുത്തുകാരനും സാമൂഹ്യ പ്രവര്‍ത്തകനുമായ കൂക്കാനം റഹ്മാന്റെ 'സ്ത്രീരോദനത്തിന്റെ കാണാപ്പുറങ്ങള്‍' എന്ന പുസ്തകം പ്രകാശനം ചെയ്തു. ശനിയാഴ്ച രാവിലെ കാസര്‍കോട് പ്രസ് ക്ലബില്‍ നടന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് അഡ്വ. പി.പി. ശ്യാമളാദേവി, ജില്ലാ ഇന്‍ഫര്‍മേഷന്‍ ഓഫീസര്‍ കെ. അബ്ദുര്‍ റഹ്മാന് കോപ്പി നല്‍കിയാണ് പ്രകാശനം നിര്‍വഹിച്ചത്.

പ്രസ് ക്ലബ് ആക്ടിംഗ് പ്രസിഡന്റ് മട്ടന്നൂര്‍ സുരേന്ദ്രന്‍ അധ്യക്ഷത വഹിച്ചു. കാസര്‍കോട് ബ്ലോക്ക് പഞ്ചായത്ത് പ്രസിഡന്റ് മുംതാസ് ഷുക്കൂര്‍ പ്രസംഗിച്ചു. പുസ്തകത്തിന് അവതാരിക എഴുതിയ പ്രകാശന്‍ കരിവള്ളൂര്‍ പുസ്തക പരിചയം നടത്തി.

അബ്ദുല്‍ മുജീബ് സ്വാഗതവും ഗ്രന്ഥകാരന്‍ കൂക്കാനം റഹ്മാന്‍ നന്ദിയും പറഞ്ഞു. നാരായണന്‍ പേരിയ, വി.വി. പ്രഭാകരന്‍, പ്രൊ. ടി.എം. സുരേന്ദ്രനാഥ് തുടങ്ങിയവര്‍ ചടങ്ങില്‍ സംബന്ധിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News