ജീവകാരുണ്യ രംഗത്ത് മാതൃക സൃഷ്ടിച്ച പ്രസ്ഥാനമാണ് കെ.എം.സി.സി: നൗഫല്‍ നന്തി

മനാമ: ഇതര പ്രവാസി സംഘടനകള്‍ക്ക് ജീവ കാരുണ്യ രംഗത്ത് മാതൃകയായി വളര്‍ന്ന പ്രസ്ഥാനമാണ് കെ.എം.സി.സി എന്ന് യൂത്ത് ലീഗ് കൊയിലാണ്ടി മണ്ഡലം സെക്രട്ടറിയും വാഗ്മിയുമായ നൗഫല്‍ നന്തി അഭിപ്രായപ്പെട്ടു.
മനാമ കെ.എം.സി.സി ഓഡിറ്റോറിയത്തില്‍ നടന്ന ബഹ്‌റൈന്‍ കെ.എം.സി.സി കണ്ണൂര്‍ ജില്ലാകമ്മറ്റിയുടെ ജനറല്‍ കൗണ്‍സിലില്‍ പങ്കെടുത്ത് മുഖ്യപ്രഭാഷണം നടത്തുകയായിരുന്നു അദ്ദേഹം.
കേരളത്തില്‍ ഇന്ന് കാണുന്ന നിരവധി വികസന പ്രവര്‍ത്തനങ്ങളിലും ജീവ കാരുണ്യ സംരംഭങ്ങളിലുമുള്ള പ്രവാസികളുടെ പങ്ക് അനിഷേധ്യമാണ്. മാതൃക വരച്ചു കാണിക്കുകയല്ല, അവ പ്രാവര്‍ത്തികമാക്കുന്നതാണ് കെ.എം.സി.സിയുടെ പ്രത്യേകത എന്നും ബൈത്തുറഹ്മ എന്ന പേരിലറിയപ്പെടുന്ന ശിഹാബ് തങ്ങള്‍ ഭവന പദ്ധതികളും ആതുരാലയങ്ങളോടു ചേര്‍ന്നു പ്രവര്‍ത്തിക്കുന്ന സി.എച്ച് സെന്ററുകളും അതിനുള്ള ചില സ്ഥാപിത മാതൃകകളാണെന്നും അദ്ദേഹം ചൂണ്ടിക്കാട്ടി.
പി.വി സിദ്ദീഖ് ആദ്യക്ഷത വഹിച്ച കൗണ്‍സില്‍ എസ്.വി.ജലീല്‍ ഉദ്ഘാടനം ചെയ്തു. അബ്ദുല്‍ റസാഖ് നദ്‌വി, കുന്നോത്ത് കുഞ്ഞബ്ദുല്ല ഹാജി, ഒ.കെ.ഖാസിം, അബു മലപ്പുറം, അന്തുമാന്‍, അലി കൊയിലാണ്ടി, കുട്ടൂസ മുണ്ടേരി, അഹമ്മദ്ചാവശ്ശേരി എന്നിവര്‍ സംസാരിച്ചു. മുഹമ്മദ് മാസ്റ്റര്‍ തിരഞ്ഞെടുപ്പ് നിയന്ത്രിച്ചു. പുതിയ ഭാരവാഹികള്‍:പി. മുഹമ്മദ് ശരീഫ്(പ്രസി), ശംസുദ്ധീന്‍ പാനൂര്‍(ജന.സെക്ര.), ശഹീര്‍ കാട്ടാമ്പള്ളി(ഖജാജി), സി.അഹമ്മദ് (ഓര്‍ഗ.സെക്രട്ടറി), എന്‍ നസീര്‍, നിസാര്‍ ഉസ്മാന്‍, ഇസ്മാഈല്‍, നൂറുദ്ദീന്‍ മുണ്ടേരി, (വൈസ്. പ്രസി), സിറാജ് മാട്ടൂല്‍, ഫയാദ്, ലത്വീഫ്, നൗഫല്‍ പാപ്പിനിശ്ശേരി (സെക്രട്ടറിമാര്‍).

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News