കോളജ് ഡേക്കിടെ വിദ്യാര്‍ത്ഥിയെ കുത്തിയ പ്രതി അറസ്റ്റില്‍

കാസര്‍കോട് : വിദ്യാര്‍ത്ഥിയെ കുത്തിപ്പരിക്കേല്‍പ്പിച്ച സംഭവത്തില്‍ ഒരാളെ കാസര്‍കോട് സി ഐ സി കെ സുനില്‍കുമാര്‍ അറസ്റ്റ് ചെയ്തു. മീപ്പുഗിരി ദുര്‍ഗ്ഗാ പരിമേശ്വരി ടെമ്പിളിനു സമീപത്തെ കെ ശരത്തി (20)നെയാണ് അറസ്റ്റ് ചെയ്തത്. കോടതിയില്‍ ഹാജരാക്കിയ ശരത്തിനെ രണ്ടാഴ്ചത്തേക്ക് റിമാന്റ് ചെയ്തു. ഫെബ്രുവരി ആറിന് വൈകിട്ട് നെല്ലിക്കുന്ന് ലളിതകലാസദനം ഓഡിറ്റോറിയത്തിനു സമീപത്തു വെച്ചാണ് സംഭവം. ത്രിവേണി കോളേജിലെ വിദ്യാര്‍ത്ഥിയായ ചെര്‍ക്കളയിലെ ഇബ്രാഹിം ഷാനിദിനെ (21) നാലംഗ സംഘം കുത്തിപ്പരിക്കേല്‍പ്പിച്ചിരുന്നു. ഈ കേസില്‍ നേരത്തെ ചൗക്കി പെരിയടുക്കയിലെ പതിനേഴുകാരനടക്കം മൂന്നു പേരെ പോലീസ് അറസ്റ്റ് ചെയ്തിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Mapappuram News