ബൈക്കിന്റെ ചക്രത്തില്‍ തട്ടം കുരുങ്ങി യുവതി വീണ് മരിച്ചു

എടവണ്ണ: മരുമകനോടൊപ്പം ബൈക്കില്‍ സഞ്ചരിക്കുമ്പോള്‍ തട്ടം ചക്രത്തില്‍ കുരുങ്ങി യുവതി മരിച്ചു. കാവനൂര്‍ എലിയാപറമ്പ് ചേലക്കുഴിയിലെ വലിയതൊടി ഹസൈനാരുടെ ഭാര്യ നടുവത്തുകുണ്ടില്‍സക്കീന (35) ആണ് മരിച്ചത്. 

കാളികാവ് പുല്ലങ്കോടിലെ വീട്ടില്‍ വിവാഹച്ചടങ്ങ് കഴിഞ്ഞ് കാവനൂരിലേക്ക് മടങ്ങുമ്പോള്‍ ഞായറാഴ്ച 11 മണിയോടെ എടവണ്ണ കല്ലിടുമ്പിലാണ് അപകടം. തട്ടം പിന്‍ചക്രത്തില്‍ കുരുങ്ങിയതോടെ ബൈക്കില്‍നിന്ന് വീണ സക്കീനയെ മഞ്ചേരി ജനറല്‍ ആസ്​പത്രിയിലേക്ക് കൊണ്ടുപോകുംവഴി മരിച്ചു. മക്കള്‍: ജുനൈസ്, മുഹ്‌സിന, സിയാദ്. മരുമകന്‍: അബ്ദുല്‍ഗഫൂര്‍. സഹോദരങ്ങള്‍: റഷീദ്, മുസ്തഫ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News