റാന്നി കോടതിയില് ഹാജരാക്കിയ ഇവരെ 15 ദിവസത്തേക്കു റിമാന്ഡു ചെയ്തു. കോടതി നിര്ദേശപ്രകാരം കുട്ടിയെ ചൈല്ഡ് ലൈഫ് ലൈനുമായി ബന്ധപ്പെട്ട കേന്ദ്രത്തില് ഏല്പിക്കുമെന്നു പമ്പ പോലീസ് പറഞ്ഞു. ശബരിമലയിലും പമ്പയിലും ഭിക്ഷാടനം നിരോധിച്ചതാണെങ്കിലും മാസപൂജകള്ക്കായി ക്ഷേത്രനട തുറക്കുന്ന അവസരങ്ങളില് വന്രീതിയിലുള്ള ഭിക്ഷാടനമാണ് നടക്കുന്നത്. കരാര് അടിസ്ഥാനത്തില് തമിഴ്നാട്ടില് നിന്നാണ് ഭിക്ഷാടനത്തിനുള്ള ആളുകളെ കൊണ്ടുവരുന്നത് എന്നാണ് പോലീസിനു കിട്ടിയ പ്രാഥമിക വിവരം. ശബരിമല തീര്ഥാടനം കഴിഞ്ഞാല് ഭിക്ഷാടനം പോലെയുള്ള പ്രവര്ത്തനങ്ങളില് പോലീസിന്റെയോ ദേവസ്വം വിജിലന്സിന്റെയോ യാതൊരുവിധ അന്വേഷണവും നടക്കുന്നില്ല.
ഹൈക്കോടതി നിര്ദേശപ്രകാരം കരിക്കിനും മറ്റു ശീതളപാനീയങ്ങള്ക്കും സന്നിധാനത്തും പമ്പയിലും ഏര്പ്പെടുത്തിയിരിക്കുന്ന തുകയേക്കാള് ഇരട്ടിയിലധികമാണ് കച്ചവടക്കാര് തീര്ഥാടകരില് നിന്നും വാങ്ങുന്നത്. 22 രൂപയാണ് പമ്പയില് കരിക്കിനു നിശ്ചയിച്ചിരിക്കുന്ന വില. ജില്ലാ ഭരണനേതൃത്വം നിശ്ചയിച്ചിരിക്കുന്ന വിലവിവരം പ്രദര്ശിപ്പിക്കാതെ 25 മുതല് 30 വരെയുള്ള തുകയാണ് തീര്ഥാടകരില് നിന്നും കച്ചവടക്കാര് വാങ്ങുന്നത്.
മാസപൂജകള്ക്കായി ക്ഷേത്രനട തുറക്കുന്ന അവസരങ്ങളില് പമ്പയിലും സന്നിധാനത്തും ആവശ്യത്തിനുള്ള പോലീസോ മറ്റു സംവിധാനങ്ങളോ ഇല്ലെന്നുള്ള പരാതിയും നിലനില്ക്കുകയാണ്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment