ഐപിഎല്‍ ഒത്തുകളി: ധാരാസിംഗിന്റെ മകന്‍ അറസ്റ്റില്‍

മുംബൈ: ഐപിഎല്‍ ഒത്തുകളിയുമായി ബന്ധപ്പെട്ട് മുന്‍ ഗുസ്തിതാരം ധാരാസിംഗിന്റെ മകന്‍ വിന്ദു ധാരാസിംഗ് (49) മുംബൈയില്‍ അറസ്റ്റിലായി. മുംബൈ ക്രൈം ബ്രാഞ്ച് പോലീസാണ് വിന്ദുവിനെ അറസ്റ്റ് ചെയ്തത്. വാതുവയ്പുകാരുമായി ബന്ധപ്പെട്ടുവെന്ന രഹസ്യവിവരം ലഭിച്ചതിനെ തുടര്‍ന്നായിരുന്നു അറസ്റ്റ്. വാതുവയ്പുകാരായ ജുപ്പിറ്റര്‍, രമേഷ് വ്യാസ് എന്നിവരുമായി ഇയാള്‍ക്ക് ബന്ധമുണ്ടെന്നു സംശയിക്കുന്നതായി പോലീസ് അറിയിച്ചു.

അറസ്റ്റിലായ വിന്ദുവിനെ പോലീസ് ചോദ്യം ചെയ്തുവരികയാണ്. സിനിമാ സീരിയല്‍ രംഗത്തുനിന്നുള്ള ആദ്യ അറസ്റ്റാണിത്. വാതുവയ്പിനു ബോളിവുഡ് ബന്ധമുണ്ടെന്ന സംശയത്തിന് വിന്ദുവിന്റെ അറസ്റ്റോടെ ശക്തികൂടിയിരിക്കുകയാണ്. ഏതാനും ബോളിവുഡ് സിനിമകളിലും സീരിയലുകളിലും അദ്ദേഹം അഭിനയിച്ചിട്ടുണ്ട്. 2009-ലെ ബിഗ് ബോസ് മൂന്നാം സീസണിലെ വിജയിയായിരുന്നു വിന്ദു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News