മലയാളി നടി ലീനാ മരിയാ പോള്‍ വഞ്ചനാ കേസില്‍ അറസ്റ്റില്‍

ദില്ലി: ഐ എ എസ് ഉദ്യോഗസ്ഥ ചമഞ്ഞു തട്ടിപ്പ് നടത്തിയതിനു മലയാള നടി ലീനാ മരിയാ പോളിനെ ദില്ലി പോലീസ് അറസ്റ്റ് ചെയ്തു. കൂട്ടുകാരനെ ഐ എ എസ് ഓഫീസര്‍ ആയി അവതരിപ്പിച്ചായിരുന്നു തട്ടിപ്പ്. ദില്ലിയില്‍ ഒളിവില്‍ കഴിയുകയായിരുന്ന നടിയെ ചെന്നൈയില്‍ രജിസ്റ്റര്‍ ചെയ്ത കേസിലാണ് അറസ്റ്റ് ചെയ്തത്. അറസ്റ്റ് ചെയ്യുമ്പോള്‍ ഇവരുടെ സുഹൃത്ത് ബാലാജിയും കൂടെയുണ്ടായിരുന്നു. ചെന്നൈ കാനറ ബാങ്കില്‍ നിന്നും 19 കോടി രൂപ ആണ് തട്ടിയെടുത്തത് . കുറ്റകരമായ ഗൂഢാലോചന , വഞ്ചന , ആയുധം കൈവശം വെക്കല്‍ എന്നീ വകുപ്പുകള്‍ പ്രകാരമാണ് കേസ് എടുത്തിട്ടുള്ളത് .ദില്ലി ഫാം ഹൗസില്‍ നിന്നാണ് ഇവരെ അറസ്റ്റ് ചെയ്തത് .

81 വിലകൂടിയ വാച്ചുകള്‍ ഒന്‍പതു കാറുകള്‍ ചില രേഖകളും ഇവരുടെ പക്കല്‍ നിന്നും കണ്ടെടുത്തിട്ടുണ്ട് . ഡല്‍ഹിയില്‍ മറ്റൊരു കേസും പോലിസ് ഇവര്‌ക്കെതിരെ ചാര്‍ജ് ചെയ്തിട്ടുണ്ട്. ചെന്നൈ ക്രൈംബ്രാഞ്ചിന്റെ നിര്‍ദ്ദേശ പ്രകാരം ദില്ലി പോലീസ് അറസ്റ്റ് ചെയ്യുകയായിരുന്നു. ലീനാ മരിയാ പോളിനൊപ്പം ആറോളം സുരക്ഷാ ഉദ്യോഗസ്ഥന്മാരെയും അറസ്റ്റ് ചെയ്തിട്ടുണ്ട്. ഇവരെ ചെന്നൈ പോലീസിന് കൈമാറും.

ഫത്തെപുരിയിലെ ഫാം ഹൌസില്‍ നിന്നാണ് ഇവരെ അറസ്റ്റ് ചെയ്തത്. മദ്രാസ് കഫെ, കോബ്ര, റെഡ് ചില്ലീസ് എന്നീ സിനിമകളില്‍ അഭിനയിച്ച താരമാണ് ലീനാ മരിയാ പോള്‍. സുരക്ഷാ ഉദ്യോഗസ്ഥരില്‍ നിന്നാണ് ആയുധം പിടികൂടിയത്. ഇവര്‍ ഉപയോഗിച്ചിരുന്ന ആയുധത്തില്‍ ദില്ലിയില്‍ ഉപയോഗിക്കാനുള്ള ലൈസന്‍സ് ഉണ്ടായിരുന്നില്ല.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News