മലാലക്ക് യു.എ.ഇയില്‍ വീരോചിത സ്വീകരണം

അബൂദബി: പെണ്‍കുട്ടികളുടെ വിദ്യാഭ്യാസ അവകാശത്തിന് വേണ്ടിയുള്ള പോരാട്ടത്തിനിടെ വെടിയേറ്റ പാകിസ്താന്‍ ബാലിക മലാലക്ക് യു.എ.ഇയില്‍ വീരോചിത സ്വീകരണം. ഉംറ നിര്‍വഹിക്കാന്‍ പോകുന്നതിനിടെയാണ് മലാലയും കുടുംബവും അബൂദബിയിലെത്തിയത്. 

മരണവുമായി മല്ലടിച്ചിരുന്ന തനിക്ക് യു.എ.ഇ നല്‍കിയ പിന്തുണക്ക് നന്ദി പറയുകയായിരുന്നു ലക്ഷ്യം. വെടിയേറ്റ മലാലയെ പാകിസ്താനില്‍ നിന്ന് യു.കെയിലേക്ക് ചികിത്സക്ക് കൊണ്ടുപോകാന്‍ യു.എ.ഇ എയര്‍ ആംബുലന്‍സും മെഡിക്കല്‍ സംഘത്തെയും അയച്ചിരുന്നു.

മലാലയെയും കുടുംബത്തെയും അബൂദബി കിരീടാവകാശിയും യു.എ.ഇ സായുധ സേന ഡെപ്യൂട്ടി സുപ്രീം കമാന്‍ഡറുമായ ജനറല്‍ ശൈഖ് മുഹമ്മദ് ബിന്‍ സായിദ് ആല്‍ നഹ്യാന്‍െറ നേതൃത്വത്തില്‍ സ്വീകരിച്ചു. പ്രതികൂല സാഹചര്യങ്ങളെ അതിജീവിച്ച മലാലയുടെ നിശ്ചയദാര്‍ഢ്യത്തെ അദ്ദേഹം അഭിനന്ദിച്ചു. 

‘മലാലയുടെ പോരാട്ടം വിദ്യാഭ്യാസത്തിന്‍െറ മഹത് സന്ദേശം ലോകം മുഴുവന്‍ വ്യാപിപ്പിക്കാന്‍ സഹായിച്ചു. ക്ഷമയുടെയും സഹനത്തിന്‍െറയും സന്ദേശവും മലാലയുടെ ജീവിതം നല്‍കുന്നു’- അദ്ദേഹം പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News