ചീമേനിയില്‍ ഓട്ടോയും ബസും കൂട്ടിയിടിച്ച് വീട്ടമ്മയും കുട്ടിയും മരിച്ചു, നിരവധി പേര്‍ക്ക് പരിക്ക്

ചെറുവത്തൂര്‍: ചീമേനി ചര്‍ച്ചിനടുത്ത് ഓട്ടോയും ബസും കൂട്ടിമുട്ടി സ്ത്രീയും ബന്ധുവായ കുട്ടിയും മരിച്ചു. ഞായറാഴ്ച ഉച്ചയ്ക്ക് 2.45 മണിയോടെയാണ് അപകടമുണ്ടായത്. കുമ്പളപ്പള്ളി പെരിയങ്ങാനത്തെ കറുത്തമ്പുവിന്റെ ഭാര്യ ജാനകി(45), ബന്ധുവായ അനൂപ്ശാന്തി ദമ്പതികളുടെ മകന്‍ അശ്വിന്‍(12) എന്നിവരാണ് മരണപ്പെട്ടത്.

ഓട്ടോ ഓടിച്ച ജാനകിയുടെ മകന്‍ ഗിരീഷിനും ഓട്ടോയിലുണ്ടായിരുന്ന മറ്റ് മൂന്നുപേര്‍ക്കും അപകടത്തില്‍ ഗുരുതരമായി പരിക്കേറ്റു. ബസ് യാത്രക്കാരായ പതിമൂന്നുപേര്‍ക്കും അപകടത്തില്‍ പരിക്കുണ്ട്. റിക്ഷയില്‍ ആകെ ആറുപേരാണ് ഉണ്ടായിരുന്നതെന്നാണ് പ്രാഥമിക വിവരം. അപകട സമയത്ത് അതുവഴി വന്ന സ്‌കൂട്ടറിലുണ്ടായിരുന്ന അനൂപ്(21), രേഷ്മ(20) എന്നിവര്‍ക്കും പരിക്കേറ്റുവെങ്കിലും അവര്‍ക്ക് എങ്ങനെയാണ് പരിക്കേറ്റതെന്ന് വ്യക്തമായിട്ടില്ല. ഒരു കാറിനെ മറികടക്കാനുള്ള ശ്രമത്തിനിടെയാണ് ബസ് ഓട്ടോറിക്ഷയില്‍ തട്ടിയതെന്ന് സംശയിക്കുന്നു.

വെള്ളരിക്കുണ്ടിലെ ഒരു ബന്ധുവീട്ടില്‍ ഒരു ചടങ്ങില്‍ സംബന്ധിച്ച് കുമ്പളപ്പള്ളിയിലേക്ക് മടങ്ങുകയായിരുന്ന കുടുംബം സഞ്ചരിച്ച റിക്ഷയില്‍ ചെറുവത്തൂര്‍ചീമേനി റൂട്ടിലോടുന്ന വിനായക ബസാണ് ഇടിച്ചത്. ഷീന, ശ്രീജ, ഗിരീഷ് എന്നിവരാണ് മരിച്ച ജാനകിയുടെ മക്കള്‍. ആശ്രിത അശ്വിന്റെ സഹോദരിയാണ്.

ഗുരതരമായി പരിക്കേറ്റ ജാനകിയേയും അശ്വിനേയും മംഗലാപുരത്തെ ആശുപത്രിയിലേക്ക് കൊണ്ടുപോകും വഴിയാണ് മരണം സംഭവിച്ചത്. പരിക്കേറ്റവര്‍ മംഗലാപുരം, പരിയാരം, ചെറുവത്തൂര്‍ എന്നിവിടങ്ങലിലെ വിവിധ ആശുപത്രികളില്‍ ചികിത്സയിലാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Cheemeni, Auto, Bus, Mother, Child, Critical, Injured, Cheruvathur