ലത്വീഫിയ്യ മുപ്പത്തിമൂന്നാം വാര്‍ഷികത്തിന് ഉജ്ജ്വല പരിസമാപ്തി

കുമ്പള: ഖാജാ ഗരീബ് നവാസ് സംഘത്തിന്റെ കീഴില്‍ സ്ഥാപിതമായ ഷിറിയ ലത്വീഫിയ്യ ഇസ്ലാമിക് കോംപ്ലക്‌സിന്റെ മുപ്പത്തിമൂന്നാം വാര്‍ഷിക മഹാസംഗമത്തിന് ആയിരങ്ങളുടെ സംഗമത്തോടെ പരിസമാപ്തിയായി.മൂന്ന് ദിവസങ്ങളിലായി നടന്ന വിവിധ വിദ്യഭ്യാസ,സാംസ്‌കാരിക,ആത്മീയ സദസ്സുകളില്‍ സമൂഹത്തിലെ ഉന്നതവ്യക്തിത്വങ്ങള്‍ സംബന്ധിച്ചു.

ഞായറാഴ്ച വൈകീട്ട് നടന്ന സമാപന സംഗമം സ്ഥാപന സാരഥിയും സമസ്ഥ കേന്ദ്ര മുശാവറ അംഗവുമായ എം.അലിക്കുഞ്ഞി മുസ്ലിയാരുടെ അധ്യക്ഷതയില്‍ മുട്ടം സയ്യിദ് കുഞ്ഞിക്കോയ തങ്ങളുടെ പ്രാര്‍ത്ഥനയോടെ കുമ്പള സംയുക്ത ജമാഅത്ത് ഖാസിയും എസ്.വൈ.എസ്.സംസ്ഥാന ട്രഷററുമായ പൊസോട്ട് സയ്യിദ് ഉമറുല്‍ ഫാറൂഖ് തങ്ങള്‍ ഉല്‍ഘാടനം ചെയ്തു. എസ് വൈ എസ് സംസ്ഥാന ജനറല്‍ സെക്രട്ടറി പേരോട് അബ്ദുറഹ്മാന്‍ സഖാഫി മുഖ്യ പ്രഭാഷണം നടത്തി.മഞ്ചേശ്വരം എം എല്‍ എ പി ബി അബ്ദുറസാഖ്,സി അബ്ദുല്ല മുസ്ലിയാര്‍, ബെള്ളിപ്പാടി അബ്ദുല്ല മുസ്ലിയാര്‍, ബി എസ് അബ്ദുല്ലക്കുഞ്ഞി ഫൈസി,ചെര്‍കള അഹ്മദ് മുസ്ലിയാര്‍,അബ്ദുല്‍ മജീദ് ഫൈസി, സകരിയ്യ ഫൈസി,ഇബ്‌റാഹിം ഫൈസി,ഹുസൈന്‍ സഅദി,പള്ളങ്കോട് മദനി,തുടങ്ങിയവര്‍ സംബന്ധിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News